قاڭتار وقيعاسى كەزىندە 1414 جەلىسىنە قانشا قوڭىراۋ تۇسكەنى ايتىلدى

نۇر- سۇلتان. قازاقپارات - قاڭتارداعى جاپپاي تارتىپسىزدىك كەزىندە قازاقستاندىقتار «1414» بايلانىس ورتالىعىنا 212 مىڭ مارتە حابارلاسقان.
None
None

ونىڭ دەنى ادامنىڭ جوعالۋىنا قاتىستى. بۇل تۋرالى «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ باسقارما ءتوراعاسى سۇيەنىش ءابدىلدين ءمالىم ەتتى، دەپ حابارلايدى قازاقپارات ءتىلشىسى.

«وتكەن جىلى ساۋىردە «1414» ءبىرىڭعاي بايلانىس ورتالىعى ءبىزدىڭ كورپوراتسيانىڭ قاراۋىنا بەرىلدى. اتالعان ورتالىق جۇمىسىن جەتىلدىرۋ باعىتىندا اۋقىمدى جۇمىس اتقارىلدى. اتاپ ايتقاندا 7 قالادا كەڭسە اشىلىپ، امبەباپ جۇيەگە كوشىرىلدى. سونىمەن قاتار بايلانىس ورتالىعى وپەراتوردىڭ جاۋابىن كۇتۋ ۋاقىتى 16 سەكۋندقا دەيىن قىسقاردى»، - دەدى سۇيەنىش ءابدىلدين ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

كورپوراتسيا باسشىسىنىڭ دەرەگىنشە، بيىل ورتالىق قىزمەتكەرلەرى ازاماتتارعا 4 ميلليوننان استام كونسۋلتاتسيا ۇسىنعان.

«بيىل قاڭتارداعى ەلىمىزدە بولعان جاپپاي تارتىپسىزدىكتەر كەزىندە اتالعان «1414» جەلىسى ازاماتتارعا كومەك كورسەتتى. ءبىزدىڭ ورتالىق ارقىلى جوعالعان ازاماتتار جانە بۇزاقىلار تۋرالى اقپارات كەلىپ ءتۇسىپ، ءبىز ولاردى قۇزىرلى ورگاندارعا جولداپ وتىردىق. توتەنشە جاعداي كەزىندە «1414» بايلانىس ورتالىعىنا 212 مىڭنان استام قوڭىراۋ كەلىپ ءتۇستى. ونىڭ ىشىندە 2350 قوڭىراۋ حابار- وشارسىز كەتكەن ادامداردى ىزدەۋگە قاتىستى. سول سياقتى 777 قوڭىراۋ تارتىپسىزدىك كەزىندە زارداپ شەككەندەر جانە بۇزاقىلىق ارەكەتكە قاتىسۋشىلارعا قاتىستى»، - دەيدى ول.

بۇعان دەيىن حابارلاعانىمىزداي ەندىگى ۋاقىتتا قازاقستاندىقتار جەكە كۋالىك جانە ءتولقۇجاتقا سۋرەتكە وزدەرى ءتۇسىپ، ۇناعان فوتونى تاڭداي الادى. اتالعان قىزمەت جۋىردا ەلوردادا ىسكە قوسىلماق.

اۆتور: ءالي يبرايەۆ

سوڭعى جاڭالىقتار