19:12, 03 - تامىز 2023 | GMT +5
بەيجىڭدە كەيىنگى 140 جىلدا بولماعان كولەمدە جاڭبىر جاۋدى
بەيجىڭ. قازاقپارات - كەيىنگى بىرنەشە كۇندە بەيجىڭدە 140 جىلدا جاۋماعان كولەمدە جاۋىن جاۋدى، دەپ حابارلايدى قازاقپارات «شينحۋا» اگەنتتىگىنە سىلتەمە جاساپ.

بەيجىڭ مەتەورولوگيالىق قىزمەتىنىڭ حابارلاۋىنشا، سەنبى كۇنگى ساعات 20:00 دەن سارسەنبى كۇنگى 7:00 گە دەيىن چانپين اۋدانىنداعى ۆانتسزيايۋان سۋ قويماسىنا 744,8 م م جاۋىن-شاشىن تۇسكەن. بۇل توتەنشە كولەم سانالادى.
وتكەن دەمالىس كۇندەرىنەن باستاپ ەل استاناسىندا «دوكسۋري» تايفۋنىنا بايلانىستى قاتتى جاڭبىر جاۋىپ، 11 ادام قازا تاپتى.
قازىر بەيجىڭدە سۋ تاسقىنىنا بايلانىستى «قىزىل ەسكەرتۋ» الىندى، سەبەبى نەگىزگى وزەندەردەگى سۋ دەڭگەيى قاۋىپتى دەڭگەيدەن تومەندەدى.
ق ح ر قارجى جانە توتەنشە جاعدايلاردى باسقارۋ مينيسترلىكتەرى بىرلەسىپ، بەيجىڭ- تيانجين-حەبەي ايماعىنداعى سۋ تاسقىنىنا قارسى ءىس-شارالارعا جانە تابيعي اپات سالدارىن جويۋعا 110 ميلليون يۋان (شامامەن 15,43 ميلليون ا ق ش دوللارى) ءبولدى.