ءبىر ادامعا تاۋلىگىنە 140 ليترگە دەيىن سۋ مەملەكەت ەسەبىنەن سۋبسيديالانادى
«سۋ كودەكسىنە سايكەس، مەملەكەت اسا ماڭىزدى توپتىق جانە جەرگىلىكتى سۋمەن جابدىقتاۋ جۇيەلەرىنەن اۋىز سۋ بەرۋ قىزمەتتەرىنىڭ قۇنىن ءىشىنارا سۋبسيديالايدى. دەمەك، جەرگىلىكتى اتقارۋشى ورگاندار ءوڭىردىڭ الەۋمەتتىك- ەكونوميكالىق دامۋىنا جانە تاريفتەرگە بايلانىستى 1 تەكشە مەتر اۋىز سۋ ءۇشىن تولەم مولشەرىن جانە تاريف پەن تولەم مولشەرى اراسىنداعى ايىرماشىلىقتى مەملەكەت ەسەبىنەن سۋبسيديالايدى»، - دەدى ق ر ي ي د م قۇرىلىس جانە تۇرعىن ءۇي- كوممۋنالدىق شارۋاشىلىق ىستەرى كوميتەتى ءتوراعاسىنىڭ ورىنباسارى ازىمبەك پازىلبەك ۇلى ورتالىق كوممۋنيكاتسيالار قىزمەتىندە.
بۇل رەتتە، سۋ رەسۋرستارىنا ۇقىپتى قاراۋ ماقساتىندا اۋىز سۋدى ەسەپكە الۋ اسپابى بولعان كەزدە ءبىر ادامعا تاۋلىگىنە 140 ليترگە دەيىن سۋبسيديالاۋ بويىنشا نورماتيۆتىك شەكتەۋ بەلگىلەندى.
وسى نورمادان اسىپ كەتكەن جاعدايدا حالىق سۋمەن جابدىقتاۋ قىزمەتتەرىنە تولىق تاريف بويىنشا اقى تولەيدى.
بۇعان دەيىن سپيكەر ەلدە سۋ تۇتىنۋ مادەنيەتى قالىپتاسپاعانىن، قازاقستان ەۋروپا ەلدەرىمەن سالىستىرعاندا 3 ەسە كوپ سۋ جۇمسايتىنىن ايتقان ەدى.