جىل سوڭىنا دەيىن قازاقستاندا 140 مىڭ ادام كوگىلدىر وتىنعا قول جەتكىزەدى
«ءبىزدىڭ الدىمىزدا تۇرعان ەلەۋلى ءبىر ۇلكەن ماسەلە - ەلدى مەكەندەردى گازداندىرۋ. قازىرگى تاڭدا ونىڭ كورسەتكىشى - %53,07. ياعني، 9 ميلليون 840 مىڭ ادام كوگىلدىر وتىندى قولدانا الادى. بىلتىر 38,5 ميلليارد تەڭگەگە 51 جوبا ىسكە اسىرىلىپ، 2723 شاقىرىم جاڭا گاز قۇبىرى تارتىلدى. قازىرگى تاڭدا مينيسترلىك بۇرىن سالىنعانىمەن، مەردىگەرلەردىڭ بالانسىنان مەكەمەلەرگە بەرىلمەگەن گاز قۇبىرلارىن الۋ ماسەلەلەرىمەن تىعىز اينالىسىپ جاتىر. بىلتىر جالپى قۇنى 92 ميلليارد تەڭگە بولاتىن 427 نىساندى گاز تاسىمالدايتىن ارنايى مەكەمەلەرگە بەرۋدى ۇيىمداستىردىق»، - دەدى ەنەرگەتيكا ءمينيسترى ەل الدىنداعى ەسەپتىك كەزدەسۋىندە.
نۇرلان نوعايەۆ جىل سوڭىنا دەيىن بۇل كورسەتكىشتى ارتتىرۋ تۇسۋگە مۇمكىندىك بار ەكەنىن اتادى.
«ءبىزدىڭ جوسپارىمىز - جىل اياعىنا دەيىن ەلدى مەكەندەردىڭ گازبەن قامتىلۋىن 53,8 پايىزعا جەتكىزۋ. سونىڭ ناتيجەسىندە قوسىمشا 140 مىڭ ادام كوگىلدىر وتىننىڭ راحاتىن كورۋگە مۇمكىندىك الادى»، - دەدى مينيستر.
