قازاقستاندا 140 قالاارالىق اۆتوبۋس رەيستەرىنە ەلەكتروندىق بيلەتتەر ساتىلا باستادى

استانا. قازاقپارات - قازاقستاندا «AparuBus» اۆتوبۋس رەيستەرىنە ەلەكتروندىق بيلەتتەر ساتۋدىڭ ءبىرىڭعاي جۇيەسىنىڭ ءبىرىنشى كەزەڭى ىسكە قوسىلدى.

تەحنولوگيالاردى كوممەرتسيالاندىرۋ ورتالىعىنىڭ (ت ك و) باسپا ءسوز قىزمەتى حابارلاعانداي، ەندى جولاۋشىلار بيلەت ساتىپ الۋ ءۇشىن ۆوكزالعا بارىپ، ۇزاق كەزەكتە تۇرمايدى. ولار بيلەتتى aparubus.kz سايتى نەمەسە اگەنتتىك كاسسالارىنان ساتىپ الا الادى.

بۇگىندە «AparuBus» جوباسىنىڭ ءبىرىنشى كەزەڭىنە استانا مەن وسكەمەن قالالارىنىڭ اۆتوۆوكزالى قوسىلدى. ەلەكتروندىق بيلەتتەردى ساتۋ 41 باعىت بويىنشا 140 اۆتوبۋس رەيستەرىنە اشىلدى.

اۆتوبۋس كولىگى رەسپۋبليكانىڭ ەلدى مەكەندەرىنىڭ 85-تەن استام پايىزىن بايلانىستىرادى. الايدا، بۇگىنگى كۇنگە دەيىن بيلەتتى اۆتوۆوكزال كاسساسىندا نەمەسە كەرى بيلەتتى ساتىپ الۋ مۇمكىندىگىنسىز تەك رەيستەرگە اۆتوستانسادا ساتىپ الۋعا بولاتىن.

«AparuBus» - جاڭا ەنگىزىلگەن جۇيە تولىقتاي وتاندىق ازىرلەمە. 2014 -جىلى ب ع م ت ك و قازاقستاندا «AparuBus» باعدارلاماسىن دامىتۋعا 18,1 ميلليون تەڭگە كولەمىندە گرانت ءبولدى. جوبانىڭ باستى ماقساتى - رەسپۋبليكانىڭ بارلىق اۋماعىندا ەلەكتروندىق بيلەتتەردى ساتۋدىڭ ءبىرىڭعاي جۇيەسىن قۇرۋ. ول جولاۋشىلارعا تۋرا جانە كەرى باعىتتا ءوزىنىڭ ورنالاسقان جەرىنەن تىس كەز كەلگەن رەيسكە ەلەكتروندىق بيلەتتەر ساتىپ الۋعا مۇمكىندىك بەرەدى.

بۇگىندە تەحنولوگيا اۆتورلارى رەيستەردىڭ ەلەكتروندىق بازاسىن ۇلعايتۋدا. بيلەت ساتۋدىڭ جەڭىل جۇيەسى بويىنشا جۇمىس ىستەۋگە تىلەك بىلدىرگەن بارشا تاسىمالداۋشىلار مەن كاسسا اگەنتتىكتەرى وكىلدەرىمەن كەلىسسوزدەر جۇرگىزۋدە.

«جاڭا تەحنولوگيانىڭ ارتىقشىلىعىن جولاۋشىلار دا، تاسىمالداۋشىلار دا اتاپ وتۋدە. مىسالى، باعدارلاما ساتىلعان بيلەتتەردى قايتارۋعا مۇمكىندىك بەرەدى. تاسىمالداۋشىلار بيلەتتەردى ساتۋعا، ماركەتينگتىك ساياساتتى ايقىنداۋعا مۇمكىندىك الادى»، - دەپ اتاپ ءوتتى «ت ك و» ج ش س باس ديرەكتورى دامير ەگىزبايەۆ.