بالا اسىراپ الۋشىلارعا 140 مىڭ تەڭگە كولەمىندە ءبىرجولعى اقشالاي كومەك كورسەتىلەدى
ال ەگەردە ءبۇلدىرشىندى قامقورلىعىنا العان اتا-انا ودان باس تارتاتىن بولسا، مەملەكەتتىك بيۋدجەتتەن بولىنگەن قارجىنى قايتارۋى ءتيىس. باستامانى جۇزەگە اسىرۋ ءۇشىن بيىل 380 ميلليوننان استام، ال كەلەسى جىلى 400 ميلليوننان استام قارجى قاراستىرىلعان. بۇل جوبا بالالار ۇيىندەگى تاستاندىلاردىڭ قاتارىن ازايتىپ، اسىراپ الۋشى ادامداردىڭ جاۋاپكەرشىلىگىن ارتتىرۋعا باعىتتالعان، دەپ حابارلايدى khabar.kz.
ستاتيستيكالىق مالىمەتتەر بويىنشا، وتكەن جىلى ەلىمىزدە 2700 دەن استام ءبۇلدىرشىن قامقورلىققا الىنعان. ال جىلدا 30 عا جۋىق بالا بالالار ۇيىنە قايتارىلىپ جاتىر.
«بالانى وتباسىعا بەرۋدىڭ بالامالى جولدارىن دامىتىپ جاتىرمىز. مەرەكە نەمەسە دەمالىس كۇندەرى بالالار ءۇيىنىڭ تاربيەلەنۋشىلەرى بولاشاقتا قامقورشى بولاتىن نەمەسە پاتروناتتىق تاربيەگە الاتىن ادامداردىڭ ۇيىنە بارىپ، تانىسۋىنا بولادى. اسىراپ الام دەگەن ازاماتتاردىڭ جەكە كۋالىگى، تابىسى، دەنساۋلىعى تۋرالى مالىمەتتەر قاجەت»، - دەيدى ق ر ب ع م بالالاردىڭ قۇقىقتارىن قورعاۋ كوميتەتىنىڭ باس ساراپشىسى گۇلميرا كۇلساريەۆا.
