قىتايداعى تابيعات اپاتىنان 14 مىڭ تۇرعىن ءۇي قيراپ، 40 تان استام ادام قازا تاپتى
استانا. قازاقپارات - ق ح ر- دىڭ وڭتۇستىك- شىعىسىندا سۋ تاسقىنى سالدارىنان 40 تان استام ادام قازا تاپتى، دەپ حابارلايدى ريا نوۆوستي.
قىتايدىڭ وڭتۇستىك شىعىسىنداعى حۋنان پروۆينسياسى نينشيان ۋەزىندە 815 مىڭنان استام ادام (تۇرعىنداردىڭ 56 پايىزى) سۋ تاسقىنى سالدارىنان زارداپ شەكتى، ولاردىڭ ىشىندە قازا تاۋىپ، جوعالىپ كەتكەندەر سانى 44، دەپ جازدى "رىنمين رىباۋ" باسىلىمى جۇما كۇنگى سانىندا.
ۋەزدە بولعان بيىلعى تابيعي اپات سوڭعى 60 جىلداعى ەڭ اۋىر اپات رەتىندە تىركەلدى. ەڭ نوسەرلى جاۋىندار 30- ماۋسىم مەن 1 -شىلدە ارالىعىندا بولدى. اپات سالدارىنان 14 مىڭ تۇرعىن ءۇي قيراپ، 70 كوشەدەگى جولدار مەن بوگەتتەر بۇزىلدى، 22 مىڭ گەكتار اۋىل شارۋاشىلىعى جەرلەرىن سۋ باسىپ، 13 ەلدى مەكەن ەلەكترسىز، ال جەتەۋى - بايلانىسسىز قالدى. الدىن الا ەسەپ بويىنشا تىكەلەي جانە جاناما ەكونوميكالىق شىعىن 9 ميلليارد يۋاندى (1,3 ميلليارد دوللار) قۇرايدى.
