بۇرشاق، نايزاعاي: 13 وڭىردە ەسكەرتۋ جاريالاندى

استانا. قازاقپارات – 20- تامىزدا كۇن رايىنىڭ قولايسىز بولۋىنا بايلانىستى «قازگيدرومەت» ر م ك ءبىرقاتار وڭىردە ەسكەرتۋ جاريالادى، دەپ حابارلايدى قازاقپارات.

اتاپ ايتقاندا، تاڭەرتەڭ جانە كۇندىز قىزىلوردا وبلىسىنىڭ وڭتۇستىگىندە نايزاعاي كۇتىلەدى. جەل شىعىستان، سولتۇستىك-شىعىستان سوعادى، كۇندىز ورتالىق پەن وڭتۇستىكتە كۇشى 15-20 م/س قۇرايدى. 20-22- تامىزدا ءوڭىردىڭ باسىم بولىگىندە ءورت تۇتانۋ قاۋپى اسا جوعارى بولادى.

كۇندىز اتىراۋ وبلىسىندا 35-39 گرادۋس قاتتى ىستىق ساقتالادى. ءوڭىردىڭ باسىم بولىگىندە ءورت تۇتانۋدىڭ جوعارى قاۋپى ساقتالادى.

كۇندىز اقتوبە وبلىسىنىڭ وڭتۇستىگى مەن شىعىسىندا نايزاعاي كۇتىلەدى. جەلدىڭ باعىتى سولتۇستىك- شىعىستان سولتۇستىك-باتىسقا اۋىسىپ، نايزاعاي كەزىندە ەكپىنى 15-20 م/س قۇرايدى. كۇندىز ءوڭىردىڭ وڭتۇستىگىندە، باتىسىندا 37 گرادۋس قاتتى ىستىق ساقتالادى. ءورت تۇتانۋ قاۋپى اسا جوعارى.

20-21- تامىزدا كۇندىز الماتى وبلىسىنىڭ باسىم بولىگىندە 35 گرادۋس قاتتى ىستىق كۇتىلەدى. ءورت تۇتانۋدىڭ جوعارى قاۋپى ساقتالادى.

20-21- تامىزدا الماتى قالاسىندا جوعارى ءورت قاۋپى ساقتالادى. قونايەۆ قالاسىندا 21- تامىزدا كۇندىز 35 گرادۋس قاتتى ىستىق كۇتىلەدى.

ماڭعىستاۋ وبلىسىنىڭ باتىسىندا، وڭتۇستىگى مەن ورتالىعىندا نايزاعاي بولجانادى. سولتۇستىك- باتىستان، سولتۇستىكتەن جەل سوعادى، كۇندىز ءوڭىردىڭ سولتۇستىك-باتىسىندا ەكپىنى 15-20 م/س قۇرايدى. كۇندىز وبلىستىڭ سولتۇستىك- شىعىسىندا 38 گرادۋس قاتتى ىستىق كۇتىلەدى. ءوڭىردىڭ باسىم بولىگىندە ءورت شىعۋ قاۋپى جوعارى.

كۇندىز باتىس قازاقستان وبلىسىنىڭ باسىم بولىگىندە 35-36 گرادۋس قاتتى ىستىق ساقتالادى. ءورت تۇتانۋ قاۋپى جوعارى.

استانا قالاسىندا كۇندىز نايزاعاي كۇتىلەدى.

تۇندە اقمولا وبلىسىنىڭ سولتۇستىگىندە، كۇندىز باسىم بولىگىندە نايزاعاي بولجانادى. كۇندىز ءوڭىردىڭ سولتۇستىگىندە بۇرشاق كۇتىلەدى. نايزاعاي كەزىندە جەلدىڭ ەكپىنى 15-20 م/س قۇرايدى. وبلىستىڭ باتىسىندا، وڭتۇستىگىندە، سولتۇستىگىندە جوعارى ءورت قاۋپى ساقتالادى.

كۇندىز پاۆلودار وبلىسىنىڭ باتىسىندا نايزاعاي ويناپ، سولتۇستىك-باتىستان جەل سوعادى، نايزاعاي كەزىندە ەكپىنى 18 م/س قۇرايدى.

تۇندە قوستاناي وبلىسىنىڭ سولتۇستىگىندە، كۇندىز باسىم بولىگىندە نايزاعاي كۇتىلەدى، كۇندىز سولتۇستىك بولىگىندە بۇرشاق جاۋادى. نايزاعاي كەزىندە جەلدىڭ ەكپىنى 15-20 م/س قۇرايدى. ءوڭىردىڭ وڭتۇستىگىندە توتەنشە ءورت قاۋپى ساقتالادى.

كۇندىز جەتىسۋ وبلىسىنىڭ شىعىسىندا سولتۇستىك-شىعىستان جەل سوعادى، ەكپىنى 15-20 م/س قۇرايدى. 20-21- تامىزدا باتىس اۋماقتاردا ءورت تۇتانۋ ءقاۋپى جوعارى بولادى.

سولتۇستىك قازاقستان وبلىسىنىڭ وڭتۇستىك-باتىسىندا، باتىسىندا نايزاعاي، بۇرشاق كۇتىلەدى. ءوڭىردىڭ باسىم بولىگىندە جوعارى ءورت قاۋپى ساقتالادى.