قاراعاندىدا ۋلانعان تاعى ەكى بالا اۋرۋحاناعا جەتكىزىلدى، باس- اياعى 13 جەتكىنشەك ەمدەلىپ جاتىر
ەڭبەك مينيسترلىگىنە قاراستى ەڭبەك جانە الەۋمەتتىك قورعاۋ كوميتەتىنىڭ ءتوراعاسى تولەگەن وسپانقۇلوۆ قاراعاندى وبلىسىنىڭ بالالارعا ارنالعان ارناۋلى الەۋمەتتىك قىزمەتتەر كورسەتۋ ورتالىعىندا جوسپاردان تىس شۇعىل تەكسەرۋ جۇرگىزۋ ماقساتىندا قاراعاندى وبلىسىنا باردى.
كوميسسيا قۇرامىنا قاراعاندى وبلىسىنىڭ باس مەملەكەتتىك الەۋمەتتىك قورعاۋ ينسپەكتورى دا كىردى.
مەملەكەتتىك الەۋمەتتىك قورعاۋ ينسپەكتورلارىنىڭ قۇزىرەتىنە مۇگەدەكتىگى بار ادامداردى الەۋمەتتىك قورعاۋ جانە ارناۋلى الەۋمەتتىك قىزمەتتەر كورسەتۋ سالاسىنداعى زاڭنامانىڭ ساقتالۋىنا مەملەكەتتىك باقىلاۋدى جۇزەگە اسىرۋ كىرەدى (قارتتارعا ارنالعان ۇيلەر، مۇگەدەكتىگى بار ازاماتتارعا ارنالعان ۇيلەر، وڭالتۋ ورتالىقتارى، كۇندىزگى بولۋ ورتالىقتارى جانە ت. ب.).
سونداي- اق، مەملەكەتتىك الەۋمەتتىك قورعاۋ ينسپەكتورلارى ارناۋلى الەۋمەتتىك قىزمەت الۋشىلاردىڭ ءومىرى مەن دەنساۋلىعىنا قاۋىپ تونگەن جاعدايدا الەۋمەتتىك قىزمەتكەردى جۇمىستان ۋاقىتشا شەتتەتە الادى.
ەستەرىڭىزگە سالا كەتەيىك، 2023 -جىلعى 30-31- شىلدەدە قاراعاندى وبلىسىنىڭ بالالارعا ارنالعان ارناۋلى الەۋمەتتىك قىزمەت كورسەتۋ ورتالىعىندا قىزمەت الىپ جاتقان 12 مۇگەدەكتىگى بار بالا قاراعاندى قالاسىنىڭ كوپسالالى بالالار اۋرۋحاناسىنا جاتقىزىلدى.
ونىڭ ىشىندە 2009 -جىلى تۋعان بالا قايتىس بولدى.
1-تامىزدا مەديتسينالىق كومەك كورسەتۋ ءۇشىن ارناۋلى الەۋمەتتىك قىزمەتتەر كورسەتۋ ورتالىعىنان تاعى 2 بالا كەلىپ ءتۇستى.
وسىلايشا قازىرگى ۋاقىتتا اۋرۋحانادا 13 مۇگەدەكتىگى بار بالا ەم قابىلداپ جاتىر.
قاراعاندى وبلىسىنىڭ ارناۋلى الەۋمەتتىك قىزمەتتەر كورسەتۋ ورتالىعىندا جوعارىدا اتالعان 13 بالادان باسقا تاعى 147 مۇگەدەكتىگى بار بالا تۇرادى.
سونداي- اق 42 بالا كۇندىزگى قىزمەتتەردى الادى.
