يتاليادا سۋ تاسقىنىنان 13 ادام قازا تاۋىپ، مىڭداعان تۇرعىن ەۆاكۋاتسيالاندى
تولاسسىز جاۋعان جاڭبىر سالدارىنان ءبىر- بىرىنەن 115 شاقىرىم قاشىقتىقتا ورنالاسقان ءريمينيدىڭ سولتۇستىك- شىعىس جاعالاۋى مەن بولونيا قالاسىنىڭ اراسىنداعى وزەندەردىڭ بارلىعى دەرلىك ارناسىنان تاسىدى.
قالا ورامدارى مەن اۋىل شارۋاشىلىعىنا پايدالاناتىن جەرلەردى، 400 جولدى سۋ باستى.
تۇندە 280 گە جۋىق كوشكىن ءجۇرىپ، تۇرعىنداردى ەۆاكۋاتسيالاۋ تۋرالى شەشىم قابىلداندى.
ءورت سوندىرۋشىلەر تۇرعىندارعا ۇيلەرىنەن شىعۋعا كومەكتەستى. ولار 97 جاستاعى ءبىر كەيۋانانى جاتىن بولمەسىنەن رەزەڭكە قايىقپەن الىپ شىققان.
وزەن جاعاسىندا تۇراتىن 55 جاستاعى زاڭگەر انتونيو فرانچەسكو ريتستسۋتو سەيسەنبى كۇنى كەشكە ءۇيىن تاستاپ كەتۋگە ءماجبۇر بولدى.
قازىر ول قىزىمەن بىرگە جاقىن ماڭداعى كەنتتە تۇرادى.
«مۇنداي ماسشتابتى ەشكىم كۇتپەگەن ەدى. ءبىز ۇيدە بولعان كەزدە سۋ دەڭگەيى مينۋت سايىن كوتەرىلىپ تۇردى. ال كەشە قايتىپ كەلسەك، قوناق بولمەمىزدى تولىعىمەن سۋ باسىپ قالدى. جيھازدىڭ كوپ بولىگىن لاقتىرىپ تاستاۋعا تۋرا كەلەدى»، - دەدى ول.
بۇعان دەيىن يتاليادا نوسەر جاۋىننىڭ سۋ تاسقىنىنا ۇلاسقانىن حابارلاعان بولاتىنبىز.
اۆتور:
زارينا تۋعانبايەۆا
