اۋا رايىنا بايلانىستى استانا اۋەجايىنان 13 رەيس ۇشا الماي قالدى

استانا. قازاقپارات - استانا حالىقارالىق اۋەجايىندا 13 ۇشىپ كەلۋ جانە 10 ۇشىپ شىعۋ رەيسى كەيىنگە قالدىرىلدى.

بۇل تۋرالى اۋەجايدىڭ باسپا ءسوز قىزمەتىنەن ءمالىم بولدى، دەپ حابارلايدى قازاقپارات.

ۇشاقتاردىڭ كىدىرۋىنە ەلورداداعى اۋا رايىنىڭ قولايسىزدىعى مەن ۇشاقتىڭ كەش كەلۋى سەبەپ بولىپ وتىر.

«جولاۋشىلاردان جولدا اباي بولۋلارىن جانە رەيس جونىندەگى اقپاراتتاردى اۋە كومپانيالاردىڭ بايلانىس ورتالىقتارىنان بىلۋلەرىن سۇرايمىز»، - دەلىنگەن حابارلامادا.

ايتا كەتەيىك، دەمالىس كۇندەرى استاناعا ايلىق نورمادان اساتىن قار ءتۇسىپ، بارلىق كوممۋنالدىق قىزمەتتەر كۇشەيتىلگەن جۇمىس رەجيمىنە قوسىلدى.