جامبىلدا ءۇش ايدا 13 ازامات ۇلتىن اۋىستىرۋعا ءوتىنىش بەرگەن
بۇل تۋرالى جامبىل وبلىسىنىڭ پوليتسيا دەپارتامەنتى كوشى-قون قىزمەتى باسقارماسىنىڭ باستىعى ارمان تۇرداليەۆ حابارلادى، دەپ جازادى قازاقپارات ءتىلشىسى.
جالپى، وبلىستا انىقتاما دەرەكتەرىن وزگەرتۋ ءۇشىن 528 ادام ءوتىنىش بىلدىرگەن.
ونىڭ ىشىندە 501 ازامات تەگىن اۋىستىرعىسى كەلسە، 14- ءى تۋعان كۇنى مەن جىلىن وزگەرتۋدى قالاعان. 13- ءى ءتىپتى، وزگە ۇلت وكىلى اتانعىسى كەلگەن.
سونداي- اق، ارمان تۇرداليەۆتىڭ ايتۋىنشا، قازاقستان رەسپۋبليكاسىنىڭ ازاماتتىعىنا جەڭىلدەتىلگەن تارتىپپەن قابىلدانعان - 542 ادام، ق ر پرەزيدەنتىنىڭ جارلىعى بويىنشا قابىلدانعان 54 ادام قۇجاتتاندىرىلعان.
جالپى العاندا، وبلىس تۇرعىندارىنا 9657 پاسپورت جانە 23591 جەكە كۋالىك بەرىلىپ، 4295 ازاماتتىڭ جوعالعان قۇجاتتارى قايتا قالپىنا كەلتىرىلگەن.
كورسەتىلگەن ۋاقىت ارالىعىندا وبلىس بويىنشا جەكە باسىن كۋالاندىراتىن قۇجاتتار رەسىمدەۋ ءۇشىن 33 مىڭ 139 ەلەكتروندىق ءوتىنىم جىبەرىلگەن.
ايتا كەتەيىك، بۇعان دەيىن تاراز قالاسىنىڭ №2 سوتى الاياقتىق، ءىرى مولشەردە بوگدەنىڭ مۇلكىن جىمقىرۋ جانە يەمدەنۋ بويىنشا ايىپتالعان 4 تۇلعاعا قاتىستى ۇكىم شىعاردى،
اۆتور
ەلۆيرا جارىلقاسىنوۆا
