پوليتسياعا 13 جاستاعى جاس ءوسپىرىم تەرروريزم اكتىسى تۋرالى جالعان حابار بەرگەن
ونداعى دەرەكتەرگە قاراعاندا، 30- قاراشادا تالعار اۋداندىق پوليتسيا باسقارماسىنىڭ كەزەكشى بولىمىنە كوللەدجدەردىڭ بىرىندە تەرروريزم اكتىسى بولاتىنى جايىندا اقپارات كەلىپ ءتۇستى.
وقيعا ورنىنا ساپەرلەر، كينولوگتار جانە باسقا دا ماماندار شاقىرىلىپ، بارلىق عيمارات تەكسەرىلدى. اقپارات راستالمادى. بۇل قۇقىق بۇزۋشىلىق تالعار اۋدانى پ ب- دا ق ر ق ك 273-بابى «تەرروريزم اكتىسى تۋرالى كورىنەۋ جالعان حابارلاما» بويىنشا تىركەلدى. جەدەل-ىزدەستىرۋ جۇمىستارى بارىسىندا كۇدىكتىنىڭ كىم ەكەنى انىقتالدى.
ول 13 جاستاعى جەرگىلىكتى تۇرعىن بولىپ شىقتى.
قازىرگى ۋاقىتتا تەرگەۋشىلەر كامەلەتكە تولماعان بالانىڭ زاڭدى وكىلدەرى مەن پسيحولوگتاردىڭ قاتىسۋىمەن بارلىق قاجەتتى تەرگەۋ ارەكەتتەرىن جۇرگىزىپ جاتىر.
تەرروريزم اكتىسى تۋرالى كورىنەۋ جالعان حابارلاعانى ءۇشىن بەس مىڭ ايلىق ەسەپتىك كورسەتكىشكە دەيىنگى مولشەردە ايىپپۇل (بۇگىنگى كۇنى - 14,5 ميلليون تەڭگە) نە سول مولشەردە تۇزەۋ جۇمىستارى تۇرىندەگى جازا، سونداي-اق بەس جىلعا دەيىنگى مەرزىمگە شەكتەۋ نەمەسە باس بوستاندىعىنان ايىرۋ كوزدەلگەن.
