جارما اۋدانىندا التىندى زاڭسىز وندىرەتىن كەن ورىن انىقتالىپ، 13 ادام ۇستالدى

سەمەي. قازاقپارات - اباي وبلىسىندا قۇرامىندا التىن بار كەندى زاڭسىز ءوندىرۋ توقتاتىلدى. قىلمىستىق توپتىڭ مۇشەلەرى ۇستالدى، ولاردىڭ اراسىندا شەتەلدىكتەر دە بار، - دەپ حابارلايدى Polisia.kz.

ءى ءى م ۇيىمداسقان قىلمىسقا قارسى كۇرەس دەپارتامەنتىنىڭ بولىمشەلەرى اباي وبلىسى جارما اۋدانىنداعى «ەدىلباي» ۋچاسكەسىندە قۇرامىندا التىن بار ماتەريالدى زاڭسىز وندىرۋمەن، وڭدەۋمەن، جەر قويناۋىن ءوز بەتىنشە پايدالانۋمەن جانە زاڭسىز كوشى- قوندى ۇيىمداستىرۋمەن اينالىسقان قىلمىستىق توپتى ۇستادى.

بۇل فاكت ق ر ق ك- ءنىڭ 287-بابى 3-بولىگى بويىنشا تىركەلدى. وتكىزىلگەن ءىس- شارالار بارىسىندا جاڭعىزتوبە كەنتىنەن 30 شاقىرىم جەردە قۇرامىندا التىن بار كەندى قايتا وڭدەۋ بويىنشا 2 زاڭسىز سەح تابىلدى. 13 «التىن ىزدەۋشى» ۇستالدى، ونىڭ ىشىندە 7 شەتەلدىك. ىزدەۋ ءىس- شارالارىن جۇرگىزۋ كەزىندە قۇرامىندا 100 توننا التىن بار كەن، سونداي- اق 2 كيلوگرامنان استام جارىلعىش (اممونيت) جانە ۋلى (سىناپ) زاتتار، سونداي- اق وندىرۋگە قاجەتتى جابدىقتار تابىلىپ، تاركىلەندى.

قۇرامىندا التىن بار ماتەريالدى ءوندىرۋ جانە قايتا وڭدەۋ بويىنشا «ىزدەۋشىلەر بريگاداسىن» جيناعان، زاڭسىز سەحتاردىڭ يەسى بولىپ تابىلاتىن جەرگىلىكتى تۇرعىن، قىلمىستىق توپتىڭ ۇيىمداستىرۋشىسى انىقتالدى.