09:37, 14 - قىركۇيەك 2022 | GMT +5
وسكەمەندە قاڭتار وقيعاسىنا قاتىسقان 13 ادامعا سوت ۇكىمى شىقتى
وسكەمەن. قازاقپارات - وسكەمەن قالاسىندا قاڭتار وقيعاسىنا قاتىسقان 13 ادامعا سوت ۇكىمى جاريا ەتىلدى، دەپ حابارلايدى قازاقپارات ءتىلشىسى.
ش ق و پروكۋراتۋراسى باسپا ءسوز قىزمەتىنىڭ مالىمەتىنە سۇيەنسەك، قالالىق سوت قاڭتار وقيعاسىنا قاتىسقان 13 ادامعا قاتىستى ۇكىم شىعاردى. ءىس ق ر قىلمىستىق كودەكسىنىڭ 272-بابى 2-بولىگى (جاپپاي تارتىپسىزدىككە قاتىسۋ)، 296-بابى 2-بولىگى (ەسىرتكىنى وتكىزۋ ماقساتىنسىز زاڭسىز ساقتاۋ) بويىنشا قارالدى.
«جەڭىلدەتەتىن ءمان-جايلاردى ەسكەرە وتىرىپ، بەس سوتتالۋشى ءۇش جىلعا باس بوستاندىعىنان شەكتەلدى. ال جەتى ايىپتالۋشىعا ءتورت جىلعا باس بوستاندىعىنان شەكتەۋ جازاسى تاعايىندالدى. وسىعان دەيىن باسقا دا قىلمىس جاساعان 1 ادام ءۇش جارىم جىلعا باس بوستاندىعىنان ايىرىلدى. ۇكىم ءالى زاڭدى كۇشىنە ەنگەن جوق»، - دەلىنگەن اقپاراتتا.
ەسكە سالساق، شىعىس قازاقستان وبلىسىندا قاڭتار وقيعاسىنا قاتىستى 700-دەن استام بەينەجازبا تەكسەرىلگەنى حابارلانعان.
