قازاقستان التىن ءوندىرۋ كولەمىن 13 پايىزعا ارتتىرماق
مينيسترلىك مالىمەتىنشە، الداعى ۋاقىتتا التىن وندىرەتىن «فازا-2» فابريكاسى ىسكە قوسىلادى.
«اتالعان كاسىپورىن التىن رۋدالارىن قايتا وڭدەۋدى جىلىنا 1,2 ميلليون تونناعا دەيىن ارتتىرۋعا مۇمكىندىك بەرمەك. سايكەسىنشە، جىلىنا التىن ءوندىرىسىنىڭ كولەمى 13 پايىزعا ارتادى»، - دەپ اتاپ ءوتتى ۆەدومستۆونىڭ باسپا ءسوز قىزمەتىنەن.
بۇدان بولەك، وتاندىق «RG Gold» التىن ءوندىرۋ كومپانياسى جىلىنا 5 ميلليون توننا رۋدا وندىرۋگە قاۋقارلى جاڭا تاۋ-كەن كەشەنىن اشپاق.
«قازىرگى تاڭدا اتالعان كەشەنگە قۇرال-جابدىقتاردى ورناتۋ جۇمىستارى جۇرگىزىلىپ جاتىر. كەشەن بيىل كۇزدە پايدالانۋعا بەرىلەدى دەگەن جوسپار بار»، - دەپ باياندادى مينيسترلىكتەن.
ۆەدومستۆو اقپاراتىنا قاراعاندا، «RG Gold» كومپانياسى رايگورودوك اۋىلىنداعى تۇرعىنداردىڭ ءال-اۋقاتىن ارتتىرۋعا ىقپال ەتەدى. كاسىپورىنعا قاجەتتى ماماندار مەن جۇمىسشىلاردى اتالعان ەلدى مەكەننەن تارتۋ كوزدەلگەن.
سونىمەن قاتار، مينيسترلىك بيىلعى جارتى جىلداعى وڭدەۋ ونەركاسىبى سالاسىنىڭ دامۋ قارقىنىن باياندادى. وعان سايكەس، 6 ايدا ءتۇستى مەتاللۋرگيا ءوندىرىسىنىڭ كولەمى 7,6 پايىزعا ارتقان. ونىڭ ىشىندە رافيناتتالعان مىس، التىن قۇيمالارى، كۇمىس تۇيىرشىكتەرى، تازارتىلعان التىن مەن كۇمىس، رافيناتتالعان قورعاسىن جانە كاتودتى مىس ءوندىرۋ كولەمى وسكەن.
