20:05, 01 - ءساۋىر 2022 | GMT +5
13 ميلليارد تەڭگەنى جىمقىرعان: «و ك م وپەراتورى» ج ش س بۇرىنعى باسقارۋشى ديرەكتورى ۇستالدى
نۇر-سۇلتان. قازاقپارات - قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگى «و ك م وپەراتورى» ج ش س بۇرىنعى باسقارۋشى ديرەكتورىن ۇستادى، دەپ حابارلايدى قازاقپارات.
«ول «جاسىل دامۋ» ا ق («و ك م وپەراتورى» ج ش س قۇقىقتىق ميراسقورى) تۇلعاسىندا مەملەكەتكە اسا ءىرى مولشەردە زالال كەلتىرە وتىرىپ، ىستەن شىققان كولىك قۇرالدارىن كادەگە جاراتۋدىڭ جوعارى قۇنىن بەلگىلەۋ ارقىلى «RecyclingCompany» ج ش س- نە زاڭسىز تۇردە قايتا تىركەپ، 13 ميلليارد تەڭگەدەن استام سومادا سەنىپ تاپسىرىلعان اقشا قاراجاتىن جىمقىردى دەپ كۇدىكتەلۋدە. قىلمىستىق ارەكەتتەر 2016-2019-جىلدار ارالىعىندا «و ك م وپەراتورى» ج ش س باسقا قىزمەتكەرلەرىمەن بىرلەسىپ جاسالدى» دەلىنگەن حابارلامادا.
مالىمەتكە ساي، كۇدىكتى سوت سانكسياسىمەن قاماۋعا الىندى.
ونىڭ ءىس-ارەكەتتەرىنە قورىتىندى قۇقىقتىق باعالاۋدى سوت بەرەدى. ق پ ك- ءنىڭ 201-بابىنا سايكەس وزگە اقپارات جاريا ەتۋگە جاتپايدى.
