قار، بوران، كوكتايعاق: 13- اقپانعا ارنالعان اۋا رايى بولجامى
قازاقستاننىڭ باسىم بولىگىندەگى اۋا رايىنا سولتۇستىك-باتىستان جىلجىپ كەلە جاتقان تسيكلون جانە ونىمەن بايلانىستى اتموسفەرالىق فرونتتار اسەر ەتەدى.
وسىعان بايلانىستى قار، ەلىمىزدىڭ وڭتۇستىگىندە، وڭتۇستىك-شىعىسىندا جانە باتىسىندا جاۋىن-شاشىن (جاڭبىر، قار) جاۋادى. كەي جەرلەردە تۇمان، بۇرقاسىن سوعىپ، جەل كۇشەيەدى، ەلىمىزدىڭ وڭتۇستىگىندە، وڭتۇستىك-شىعىسىندا جانە باتىسىندا كوكتايعاق بولادى.
اقمولا وبلىسىندا بۇرقاسىن، وبلىستىڭ سولتۇستىك-باتىسىندا تۇمان، وبلىستىڭ وڭتۇستىگىندە، باتىسىندا جەل 15-20، ەكپىنى 23-28 م/س كۇشەيۋى كۇتىلەدى.
الماتى وبلىسىنىڭ جالاڭاشكول اۋدانىندا جەلدىڭ 15-20 م/س كۇشەيۋى، تۇندە تاۋلى جانە تاۋ بوكتەرلى اۋدانداردا تۇمان، كوكتايعاق كۇتىلەدى.
تۇركىستان وبلىسىنىڭ وڭتۇستىگىندە، باتىسىندا جانە تاۋلى اۋداندارىندا تۇمان، كۇندىز وبلىستىڭ سولتۇستىگىندە جەلدىڭ 15-20 م/س كۇشەيۋى كۇتىلەدى.
باتىس قازاقستان وبلىسىنىڭ باتىسىندا، وڭتۇستىگىندە جاياۋ بۇرقاسىن، كوكتايعاق كۇتىلەدى، وبلىستىڭ باتىسىندا، سولتۇستىگىندە تۇمان، كۇندىز وبلىستىڭ وڭتۇستىك-باتىسىندا جەل 15-20 م/س كۇشەيەدى.
اتىراۋ وبلىسىنىڭ باتىسى مەن ورتالىعىندا تۇمان، كوكتايعاق، كۇندىز وبلىستىڭ سولتۇستىگى مەن ورتالىعىندا جەلدىڭ 15-20 م/س كۇشەيۋى كۇتىلەدى.
تۇندە ماڭعىستاۋ وبلىسىنىڭ سولتۇستىگىندە، كۇندىز باسىم بولىگىندە كوكتايعاق، كۇندىز وبلىستىڭ باسىم بولىگىندە جەلدىڭ 15-20، ەكپىنى 23 م/س كۇشەيۋى كۇتىلەدى.
تۇندە اقتوبە وبلىسىنىڭ سولتۇستىگىندە جاياۋ بۇرقاسىن، جەلدىڭ 15-20 م/س كۇشەيۋى، كۇندىز وبلىستىڭ وڭتۇستىگىندە، ورتالىعىندا كوكتايعاق كۇتىلەدى.
قوستاناي وبلىسىنىڭ شىعىسىندا، وڭتۇستىگىندە بۇرقاسىن، سولتۇستىگىندە تۇمان، شىعىس جانە وڭتۇستىگىندە جەلدىڭ 15-20 م/س كۇشەيۋى كۇتىلەدى.
سولتۇستىك قازاقستان وبلىسىنىڭ وڭتۇستىك-باتىسىندا، باتىسىندا تۇمان، جاياۋ بۇرقاسىن كۇتىلەدى.
پاۆلودار وبلىسىنىڭ باتىسى مەن وڭتۇستىگىندە جاياۋ بۇرقاسىن سوعىپ، جەل 15-20 م/س كۇشەيەدى. قاراعاندى وبلىسىنىڭ باتىسىندا، سولتۇستىگىندە، ورتالىعىندا جاياۋ بۇرقاسىن، جەلدىڭ 15-20 م/س كۇشەيۋى كۇتىلەدى.
شىعىس قازاقستان وبلىسىنىڭ سولتۇستىگىندە، ورتالىعىندا جاياۋ بۇرقاسىن، وبلىستىڭ باتىسىندا، وڭتۇستىگىندە جەلدىڭ كۇشەيۋى كۇتىلەدى، كۇشى 15-20 م/س، تۇندە ەكپىنى 23 م/س.
قىزىلوردا وبلىسىنىڭ باتىس جارتىسىندا تۇمان، كوكتايعاق، تاڭەرتەڭ جانە كۇندىز وبلىستىڭ سولتۇستىك جانە ورتالىعىندا جەلدىڭ 15-20 م/س كۇشەيۋى كۇتىلەدى.
جامبىل وبلىسىنىڭ سولتۇستىگىندە جانە تاۋلى اۋداندارىندا تۇمان، كوكتايعاق، وڭتۇستىك-باتىسىندا جانە تاۋلى اۋدانداردا جەلدىڭ ەكپىنى - 15-20 م/س.
