قىسقى وليمپيادا: كونكيشى نادەجدا موروزوۆا وليمپيادانى 13-ورىنمەن اياقتادى

نۇر-سۇلتان. قازاقپارات - بەيجىڭدەگى ءوتىپ جاتقان قىسقى وليمپيادا ويىندارىندا ايەلدەر اراسىندا كونكيشىلەر مۇز ايدىنعا شىقتى، دەپ حابارلايدى قازاقپارات ءتىلشىسى.

كونكي بويىنشا قازاقستان قۇراماسىنان نادەجدا موروزوۆا ءبىرىنشى بولىپ جارىسقا ءتۇستى. ول ايەلدەر اراسىندا 3000 م قاشىقتىقتى 4:04.97 ۋاقىتتا جۇگىرىپ ءوتتى.

وسىلايشا، وتانداسىمىز جارىسقا شىققان 30 سپورتشى ىشىندە 13-ورىنعا تۇراقتاپ، جۇلدەگەرلەر قاتارىنان كورىنە المادى. دەگەنمەن ول وسى كورسەتكىشىمەن قازاقستان رەكوردىن جاڭارتتى. ەستەرىڭىزگە سالا كەتەيىك، جارىستاردى وتاندىق «حابار»، «Qazaqstan»، «Qazsport» جانە «Elarna « تەلەارنالارى تىكەلەي ەفيردەن كورسەتىپ جاتىر. XXIV قىسقى وليمپيادا ويىندارىنا قازاقستان قۇراماسىنان بارلىعى 34 سپورتشى قاتىسۋدا. ولار 87 جولداما جەڭىپ الدى.

اۆتور: كۇنسۇلتان وتارباي