الماتىدا ءبىر كۇندە 13 مىڭعا ادام ۆاكسينا الدى
بۇل تۋرالى قالالىق قوعامدىق دەنساۋلىق ساقتاۋ باسقارماسى ءمالىم ەتتى، دەپ حابارلايدى قازاقپارات ءتىلشىسى.
«31-تامىز كۇنى 12984 الماتىلىق ۆاكسينا سالدىردى. كوروناۆيرۋسقا قارسى ەكپەنىڭ I كومپونەنتىن 4169، II كومپونەنتىن 8815 ادام الدى. ۆاكسينا سالدىرعاندار سانى بويىنشا الماتى قالاسى الدىڭعى ورىندا. بيىلعى جىلدىڭ 1 -اقپانى مەن 31 -تامىزى ارالىعىندا قالادا 871455 تۇرعىن ۆاكسينانىڭ ءبىرىنشى كومپونەنتىن، 733652 ادام ەكىنشى كومپونەنتىن سالدىرعان. ولاردىڭ ىشىندە 110236 ادامنىڭ جاسى 60 تان اسقان»، - دەپ حابارلادى باسقارمادان.
قالادا 160 پۋنكت جۇمىس ىستەپ تۇر. 1028 ادامنان تۇراتىن 237 ەگۋ بريگاداسى بار. سونىمەن قاتار، 40 كوشپەلى موبيلدى بريگادا ۇيىمداستىرىلعان.
«قازىر مەديتسينالىق ۇيىمداردا، مەكتەپتەردە، مادەنيەت، سپورت وبەكتىلەرىندە، بازارلار مەن قالانىڭ سوسو- دا ۆاكسيناتسيا پۋنكتى جۇمىس ىستەيدى» - دەپ ناقتىلادى دەنساۋلىق ساقتاۋ باسقارماسىنىڭ باسپا ءسوز قىزمەتى.