قازاقستاندا ءبىلىم بەرۋ گرانتتارىنىڭ سانى وتكەن جىلمەن سالىستىرعاندا 13 مىڭعا ارتقان

نۇر- سۇلتان. قازاقپارات - ءبىلىم بەرۋ گرانتتارىن تاعايىنداۋ جونىندەگى رەسپۋبليكالىق كوميسسيانىڭ ءبىرىنشى وتىرىسى ءوتتى.

كوميسسيا وتىرىسىنا ق ر ءبىلىم جانە عىلىم ۆيتسە- ءمينيسترى قۋانىش ەرعاليەۆ ءتوراعالىق ەتتى، دەپحابارلايدى قازاقپارات مينيسترلىكتىڭ باسپا ءسوز قىزمەتىنە سىلتەمە جاساپ.

گرانتقا ۇمىتكەرلەردىڭ وتىنىمدەرىن كوميسسيا مۇشەلەرى قارايدى. كوميسسيا قۇرامىنا مەملەكەتتىك ورگاندار مەن قوعامدىق ۇيىمداردىڭ وكىلدەرى، جۋرناليستەر، «قازاقستان ستۋدەنتتەرى اليانسى»، وتانداستار قورىنىڭ وكىلدەرى كىردى.

ودان كەيىن تالاپكەرلەردىڭ ۇ ب ت- دا جيناعان بالدارىنا جانە بەكىتىلگەن ەرەجەلەرگە سايكەس كونكۋرستىق نەگىزدە گرانتتار تاعايىندالاتىن بولادى. پرەزيدەنتتىڭ تاپسىرماسى بويىنشا گرانتتاردىڭ جالپى سانى 5 مىڭعا ارتىپ وتىر.

ياعني، وتكەن جىلى ءبىلىم بەرۋ گرانتتارىنىڭ سانى 51 مىڭ بولسا، بيىل 56 مىڭعا دەيىن ارتتى. سونداي- اق گرانتتاردى ءبولۋ كەزىندە العاش رەت ازاماتتاردىڭ الەۋمەتتىك وسال ساناتتارى ءۇشىن كۆوتالار كوزدەلگەن. بيىل ءبىلىم بەرۋ گرانتتارىن تاعايىنداۋ كونكۋرسىنا قاتىسۋ ءۇشىن بارلىعى 75 مىڭنان استام ءوتىنىم بەرىلدى، بۇل 2020 -جىلمەن سالىستىرعاندا 13 مىڭعا ارتىق.

«مەملەكەتتىك ءبىلىم بەرۋ گرانتتارىن تاعايىنداۋ كونكۋرسىنىڭ ناتيجەلەرىن 15 تامىزعا دەيىن جاريالاۋ جوسپارلانىپ وتىر»، - دەلىنگەن ق ر ءبىلىم جانە عىلىم مينيسترلىگىنىڭ باسپا ءسوز قىزمەتى تاراتقان اقپاراتتا.