قازاقپارات كۇنتىزبەسى: 13- ناۋرىز

اتاۋلى كۇندەر

قازاقستان رەسپۋبليكاسىنداعى جەرگە ورنالاستىرۋ، گەودەزيا جانە كارتوگرافيا كۇنى

قازاقستان رەسپۋبليكاسى ۇكىمەتىنىڭ 2017-جىلعى 31- قازانداعى 689№ قاۋلىسىنا سايكەس ناۋرىز ايىنىڭ ەكىنشى سەنبىسىندە اتاپ وتىلەدى.

ەستە قالار وقيعالار

1981-جىلى جامبىل وبلىسىنىڭ قورداي اۋدانىنداعى كەنەن اۋىلىندا حالىق اقىنى، ءانشى، كومپوزيتور كەنەن ازىربايەۆتىڭ ادەبي-مەموريالدىق مۇراجايى اشىلدى. مۇراجاي زالىنا اقىننىڭ شىعارماشىلىعىن، ءومىر جولىن سيپاتتايتىن 961 ەكسپونات قويىلعان.

اقىن 13 جاستا بولعان كەزدە جاسالعان دومبىرا، جامبىل جابايەۆ سىيعا تارتقان كۇمىس بەلدىك مۇراجايدىڭ قۇندى ەكسپوناتتارى بولىپ تابىلادى.

1992 -جىلى قازاقستان رەسپۋبليكاسى مەن ليۆيا ۇلى سوتسياليستىك حالىق اراب دجاماحيرياسى اراسىندا ديپلوماتيالىق قارىم-قاتىناستار ورناتىلدى.

2001-جىلى الماتىداعى قازاق ساۋلەت-قۇرىلىس اكادەمياسىنىڭ ستۋدەنتتەر جاتاقحاناسىندا حالىق قاھارمانى قايرات رىسقۇلبەكوۆكە ەسكەرتكىش تاقتا ورناتىلدى. قايرات نوعايباي ۇلى رىسقۇلبەكوۆ (1966-1988) جامبىل وبلىسىنىڭ مويىنقۇم اۋدانى بىرلىك اۋىلىندا دۇنيەگە كەلگەن.

1986 -جىلدىڭ كۇزىندە جولدامامەن الماتى ساۋلەت- قۇرىلىس ينستيتۋتىنا (ا س ق ي) وقۋعا تۇسەدى. ا س ق ي- ءدىڭ ءبىرىنشى جاتاقحاناسىندا تۇرعان قايرات ءبىرىنشى كۋرس ستۋدەنتى بولعانىنا قاراماستان ينستيتۋتتىڭ قوعامدىق ومىرىنە بەلسەنە ارالاسىپ كەتەدى. سول كەزدە-اق جاس كومسومولدار جاساعىنىڭ كومانديرى، ستۋدەنتتىك كاسىپتىك بيۋروسىنىڭ (پروفبيۋرو) مۇشەسى بولدى.

1986-جىلى 17-18- جەلتوقساندا برەجنيەۆ الاڭىنداعى بەيبىت شەرۋگە قاتىستى. سول ءۇشىن قايرات شەرۋگە شىققان دوستارىمەن بىرگە تۇتقىندالىپ، «18- جەلتوقساندا مير (قازىرگى دوستىق داڭعىلى) جانە قانىش ساتبايەۆ كوشەلەرىنىڭ قيىلىسىندا سويقاندىق جاساپ، ساۆيتسكيدى ءولتىردى، ۆەدەلدى اۋىر جاراقاتتادى» دەگەن ايىپ تاعىلدى، دوستارىمەن بىرگە سوتتى بولادى. تەرگەۋ جۇمىستارى التى ايعا سوزىلىپ، سوڭىندا قايراتپەن بىرگە بولعاندار 4-15 جىلعا دەيىن باس بوستاندىقتارىنان ايىرىلادى.

ال قايرات العاشىندا اتۋ جازاسىنا كەسىلدى. كەيىننەن شەتەلدىك ۇيىمدار مەن قوعام قايراتكەرلەرىنىڭ قارسىلىقتارىنان كەيىن ك س ر و جوعارعى كەڭەسى پرەزيديۋمىنىڭ 1988-جىلعى 28- ساۋىردەگى جارلىعىمەن وعان كەشىرىم جاسالىپ، سوت ۇكىمى 20 جىل باس بوستاندىعىنان ايىرۋ جازاسىنا اۋىستىرىلدى.

2003 -جىلى «قازاقستان رەسپۋبليكاسىنىڭ قورعانىس- ونەركاسىپتىك كەشەنىنىڭ كەيبىر ماسەلەلەرى تۋرالى» 244№ ق ر ۇكىمەتىنىڭ قاۋلىسى جارىققا شىقتى. قاۋلىنىڭ نەگىزىندە «قازاقستان ينجينيرينگ» ۇ ك» ا ق قۇرىلدى.

كومپانياعا 19 ماشينا جاساۋ كاسىپورنى مەن سالالىق ينستيتۋتتار كىرەدى. ولاردىڭ قاتارىندا «پەتروپاۆل اۋىر ماشينا جاساۋ زاۋىتى» ا ق، «س. م. كيروۆ اتىنداعى پەتروپاۆل زاۋىتى» ا ق، «مۇنايماش» ا ق، «تىنىس» ا ق، «سەمەي ماشينا جاساۋ زاۋىتى» ا ق، «ق ر راديوەلەكترونيكا جانە بايلانىس جونىندەگى ۇلتتىق ورتالىعى» ا ق، «مەتالليست» ا ق، «بروندى تانك جوندەۋ زاۋىتى» كاسىپورىندارى بار.

2014 -جىلى مەملەكەت باسشىسى «قازاقستان رەسپۋبليكاسىنىڭ تۇڭعىش پرەزيدەنتى - ۇلت كوشباسشىسىنىڭ كىتاپحاناسى» مەملەكەتتىك مەكەمەسىنىڭ كەيبىر ماسەلەلەرى تۋرالى» جارلىققا قول قويدى.

2015 -جىلى قازاق-تۇرىك ليتسەيىنىڭ تاربيەلەنۋشىسى جانار ءابدىراحمان وڭتۇستىك كورەيادا وتكەن «جاس عالىم» حالىقارالىق عىلىمي بايقاۋىندا التىن مەدالعا يە بولدى. حالىقارالىق بايقاۋدا جۇلدە ءۇشىن قازاقستان مەن وڭتۇستىك كورەيانىڭ 10-11- سىنىپتارىنداعى 200 دەن استام وقۋشىسى تالاسقان ەدى.

2017 -جىلى قۇددىس قوجامجاروۆ اتىنداعى مەملەكەتتىك رەسپۋبليكالىق ۇيعىر مۋزىكالىق كومەديا تەاترىنا، مەملەكەتتىك رەسپۋبليكالىق كورەي مۋزىكالىق كومەديا تەاترىنا، رەسپۋبليكالىق نەمىس دراما تەاترىنا «اكادەميالىق» مارتەبەسى بەرىلدى.

2018 -جىلى وزبەكستان پرەزيدەنتى قازاقتىڭ ۇلى اقىنى جانە ويشىلى اباي قۇنانبايەۆتىڭ شىعارماشىلىق مۇراسىن ناسيحاتتاۋ تۋرالى جارلىققا قول قويدى.

2019 -جىلى رۋمىنيا استاناسىنداعى «گالاتەكا» گالەرەياسىندا قازاقستاندىق سۋرەتشى، قوعامدىق قايراتكەر مەن گالەرەياشى لەيلا ماحاتتىڭ «مەن مۇندامىن» اتتى جەكە كورمەسى اشىلدى.

كوپ جىلدار بويى ونىڭ شىعارماشىلىعى ءتۇرلى ەلدەردىڭ ۇزدىك زالدارىنا قويىلىپ، كارتينالارى قازاقستان، اۆستريا، بەلگيا، ۇلىبريتانيا، گەرمانيا، ءۇندىستان، قىتاي، مولدوۆا، رەسەي، رۋمىنيا، ا ق ش، تۇركيا، چەحيا جانە جاپونيا ەلدەرىندە كوللەكتسيادا تۇر.