قازاقپارات كۇنتىزبەسى: 13- اقپان
اتاۋلى كۇندەر
دۇنيەجۇزىلىك راديو كۇنى
2011-جىلعى 3 - قاراشادا يۋنەسكو باس كونفەرەنتسياسىنىڭ 36-وتىرىسىندا بەكىتىلگەن.
حالىقارالىق كۇندى ەنگىزۋگە يسپانيا باستاماشى بولدى. بۇل كۇن كەزدەيسوق تاڭدالعان جوق. 1946-جىلى ءدال وسى كۇنى ب ۇ ۇ ءوزىنىڭ راديوقىزمەتىن - ب ۇ ۇ راديوسىن ىسكە قوسقان بولاتىن.
ەستە قالار وقيعالار
1915-جىلى سەمەيدە ەۋروپالىق ۇلگىدەگى تۇڭعىش سپەكتاكل قويىلدى. ساحنالاناتىن پەسا بولماعاندىقتان، سپەكتاكلدىڭ ادەبي نەگىزى رەتىندە ءبىرجان مەن سارانىڭ ايتىسى الىندى. ايتىستىڭ ساحنالىق جۇيەسىن جاساپ، سپەكتاكلدى قويعان - جۇسىپبەك ايماۋىتوۆ.
1993-جىلى «قازاقستان كاسپي شەلف» تەڭىز-مۇناي كاسىپورنى قۇرىلدى. كاسىپورىننىڭ نەگىزگى ماقساتتارى - كاسپي تەڭىزىنىڭ قازاقستانعا قاراستى بولىگىنىڭ جەر قويناۋىنداعى مۇناي-گاز قورىن انىقتاۋ، مۇناي وپەراتسيالارىن ىسكە اسىرۋ، وسى ايماقتىڭ بيوقورلارىن، مينەرالدىق بايلىق كوزدەرىن اشۋ جانە جاعالاۋداعى قايراڭدىق كەن ورىندارىنىڭ يگەرىلۋىن تەزدەتۋ، تەڭىز بايلىعىن قازىرگى زامانعى تەحنيكا مەن تەحنولوگيانى، شەت ەلدىك كومپانيالاردىڭ الەمدىك تاجىريبەسى مەن ينۆەستيتسياسىن پايدالانا وتىرىپ يگەرۋ، كاسپي ماڭى ايماعىنىڭ وندىرىستىك جانە الەۋمەتتىك ينفراقۇرىلىمىن جان-جاقتى دامىتۋ.
1994-جىلى ا ق ش- قا رەسمي ساپارى بارىسىندا ق ر پرەزيدەنتى ن. نازاربايەۆ ەكى ەل اراسىنداعى دەموكراتيالىق ارىپتەستىك تۋرالى حارتياعا، عىلىم مەن تەحنيكا، يادرولىق قاۋىپسىزدىك سالاسىنداعى تەحنيكالىق اقپارات جانە ىنتىماقتاستىق تۋرالى كەلىسىمگە، قازاقستان، ا ق ش جانە رەسەي اراسىنداعى «ينمارسات-3» جاساندى سپۋتنيگىن ۇشىرۋعا بايلانىستى تەحنولوگيالىق كەپىلدىكتەر تۋرالى ءۇشجاقتى كەلىسىمگە قول قويدى، يادرولىق قارۋدى تاراتپاۋ تۋرالى شارت راتيفيكاتسيالاندى.
2003-جىلى الماتىدا ق ر پرەزيدەنتىنىڭ باستاماسىمەن بەيبىتشىلىك جانە كەلىسىم 1 - حالىقارالىق كونفەرەنتسياسى ءوتتى.
2007-جىلى اقمولا وبلىستىق فيلارمونياسىنىڭ قازاق حالىق اسپاپتار وركەسترىنە قازاقستان رەسپۋبليكاسىنىڭ تانىمال كومپوزيتورى، مەملەكەتتىك سىيلىقتىڭ لاۋرەاتى، ەڭبەك سىڭىرگەن ونەر كايراتكەرى جانە حالىق ءارتىسى كەنجەبەك كۇمىسبەكوۆتىڭ (1927-1987) ەسىمى بەرىلدى.
ك. كۇمىسبەكوۆ اقمولا وبلىسى قورعالجىن اۋدانى كۇمكول اۋىلىنىڭ تۋماسى، ۆوكال ونەرى فاكۋلتەتىندە مۋزىكالىق ءبىلىم الدى، سودان كەيىن دوتسەنت ق. ا. مۇحيتوۆتىڭ دومبىرا سىنىبىن ءبىتىردى. ەڭ تانىمال شىعارمالارى - «ىقىلاس تۋرالى پوەما»، «قورقىت تۋرالى اڭىز»، «وي تولقىنى»، «دالا سىرى»، «فارابي سازى»، «شالقىما» جانە باسقالارى.
2013-جىلى قازاقستان رەسپۋبليكاسىنىڭ العاشقى ۇلتتىق سپۋتنيك ارناسى تەلەۆيزيا ءوندىرىسىنىڭ سوڭعى ۇردىستەرىنە جاۋاپ بەرەتىن جاڭا گرافيكالىق ادىستەۋمەن حابار تاراتا باستادى. Kazakh TV - قازاق، ورىس جانە اعىلشىن تىلدەرىندە تاۋلىك بويى حابار تاراتاتىن اقپاراتتىق-تانىمدىق تەلەارنا.
ارنا «حابار» اگەنتتىگى» ا ق قۇرىلىمىنا كىرەدى.
2017-جىلى قازاقستاندىق الپينيست جانە تانىمال ساياحاتشى اندرەي گۋنداريەۆ كوستسيۋشكو قازاق گەوگرافيالىق قوعامىنىڭ قولداۋىمەن اۆستراليانىڭ ەڭ بيىك نۇكتەسى - جاڭا وڭتۇستىك ۋەلس شتاتىندا ورنالاسقان كوستسيۋشكو شىڭىنا (2228 مەتر) كوتەرىلدى. قازاق گەوگرافيالىق قوعامى جەتى قۇرلىقتىڭ جەتى شىڭىنا قازاقستان تۋىن ورناتىپ شىعۋ ميسسياسىن ورىنداپ جۇرگەن بولاتىن.
2018-جىلى دۋبايدا وتكەن 6-دۇنيەجۇزىلىك ۇكىمەت سامميتىندە جاھاندىق باقىت كواليتسياسى قۇرىلىپ، ونىڭ قۇرامىنا التى ەل - بىرىككەن اراب امىرلىكتەرى، قازاقستان، كوستا-ريكا، مەكسيكا، پورتۋگاليا جانە سلوۆەنيا كىردى.
كواليتسيانى قۇرۋ تۋرالى كەلىسىمگە قول قويۋ راسىمىنە ب ا ءا- ءنىڭ پرەمەر-ءمينيسترى جانە دۋباي ءامىرى مۇحاممەد بەن ءراشيد ءال ماقتۋم قاتىستى. قۇجاتقا التى ەلدىڭ مينيسترلەرى قول قويدى.
2018-جىلى الماتىدا «التىن قالام» ادەبي جۇلدەسى ۇيىمداستىرۋ كوميتەتىنىڭ شەشىمىمەن ءبىرىنشى رەت ادەبي «وسكار» سىيلىعى تابىس ەتىلدى. اتالعان سىيلىق بۇگىنگى زامان ادەبيەتىن دامىتۋعا ەلەۋلى ۇلەس قوسقان قالامگەرلەرگە بەرىلدى. ساۋالناما ناتيجەسىندە كەلەسى ازاماتتار جەڭىمپاز اتاندى: جىلدىڭ ۇزدىك باسپاسى - مەرەكە قۇلكەنوۆ، جىلدىڭ ادەبي دەبيۋتى - ولەگ چەرۆينسكيي، كىتاپ like (وقىرماندار تاڭداۋى) - زيرا ناۋرىزبايەۆا، الەۋمەتتىك مانگە يە تاقىرىپقا ارنالعان ۇزدىك كىتاپ - ەرلان قارين، جىلدىڭ ۇزدىك مەتسەناتى (ادەبيەتكە كورسەتكەن قولداۋى ءۇشىن) - باۋىرجان وسپانوۆ.
2019-جىلى قازاقستان رەسپۋبليكاسى مەن مارشالل ارالدارى رەسپۋبليكاسى ديپلوماتيالىق قاتىناستار ورناتتى. نيۋ-يوركتە ەكى مەملەكەت اراسىنداعى ديپلوماتيالىق قارىم-قاتىناستاردى ورناتۋ تۋرالى بىرلەسكەن كومميۋنيكەگە ب ۇ ۇ جانىنداعى قازاقستاننىڭ جانە مارشالل ارالدارىنىڭ تۇراقتى وكىلدەرى قايرات وماروۆ پەن اماتلاين ەليزابەت كابۋا قول قويدى.
2019 -جىلى نازاربايەۆ ۋنيۆەرسيتەتىندە «National Laboratory Astana» ج م عالىمدارى قازاقستاندا تۇڭعىش جوعارى ءونىمدى بيوينفورماتيكالىق ەسەپتەۋ پلاتفورماسىن ىسكە قوستى.
