الداعى تاۋلىكتەردە قار جاۋىپ، 13 گرادۋسقا دەيىن سۋىتادى
سينوپتيكتەردىڭ حابارلاۋىنشا، قازاقستان اۋماعىنا سكانديناۆيا ايماقتارىنان سيكلون اسەر ەتەدى، ول وزىمەن بىرگە ىلعالدى جانە سۋىق اۋا ماسسالارىن اكەلەدى. ونىمەن بىرگە جاۋىن-شاشىن بولىپ، ارتى جاڭبىر قارعا ۇلاسادى.
«بۇل وڭتۇستىك- شىعىستا جانە شىعىستا قاتتى بىلىنەدى. كەي جەرلەردە تۇمان، كوكتايعاق، جەلدىڭ كۇشەيۋى بايقالادى. شىعىستا، تاۋلى جانە تاۋ بوكتەرىندەگى وبلىستاردا اپتانىڭ اياعىندا بۇرقاسىن بولادى. تۇندە تەرمومەتر ەلدىڭ سولتۇستىگىندە جانە ورتالىعىندا مينۋس 5-13 گرادۋسقا دەيىن، وڭتۇستىك ايماقتاردا كەي جەرلەردە مينۋس 3 گرادۋس ايازعا دەيىن تومەندەيدى»، - دەدى قازگيدرومەت.
