ەلىمىزدىڭ 13 وڭىرىندە حالىققا قىزمەت كورسەتۋ ورتالىقتارىنىڭ جۇمىس كەستەسى وزگەردى
بۇل تۋرالى قازاقپارات ورتالىقتىڭ باسپا ءسوز قىزمەتىنە سىلتەمە جاساپ حابارلايدى.
باس سانيتارلىق دارىگەرلەردىڭ شەشىمى بويىنشا ەلىمىزدىڭ 13 ايماعىندا - اقمولا، اتىراۋ، اقتوبە، الماتى، قاراعاندى، قوستاناي، قىزىلوردا، تۇركىستان، سولتۇستىك قازاقستان، باتىس قازاقستان، جامبىل وبلىستارى مەن الماتى جانە شىمكەنت قالالارىنداعى حالىققا قىزمەت كورسەتۋ ورتالىقتارىنىڭ جۇمىس كەستەسى قىسقارتىلدى.
ال شىعىس قازاقستان وبلىسىندا ح ق ك و- نىڭ جۇمىس ۋاقىتىنا وزگەرىس تەك سەمەي قالاسى بويىنشا ەنگىزىلدى. قازىرگى تاڭدا «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ فرونت-وفيس قىزمەتكەرلەرى بانك وپەراتورلارى، دارىگەرلەر مەن پوليتسەيلەر سەكىلدى ازاماتتارمەن تىكەلەي بايلانىستا جۇمىس جاساپ جاتىر.
بولىمدەردە سانيتارلىق-ەپيدەميولوگيالىق، الەۋمەتتىك قاشىقتىق جانە بەتپەردە رەجيمدەرى قاتاڭ ساقتالعان. الايدا، قىزمەت الۋشىلار وزدەرىن جايسىز سەزىنىپ نەمەسە سىرقات بەلگىلەرىن بايقاسا ح ق ك و- عا بارۋدان باس تارتۋعا كەڭەس بەرەمىز.
كوروناۆيرۋستىق ينفەكتسيانىڭ تارالۋىنا جول بەرمەۋ ماقساتىندا اۆتوكولىك يەلەرىن مامانداندىرىلعان ح ق ك و- عا بارماي-اق، مەملەكەتتىك قىزمەتتەردى ونلاين الۋعا شاقىرامىز.
بۇگىندە اۆتوكولىكتى تىركەۋ جانە جۇرگىزۋشى كۋالىگىن اۋىستىرۋ ونلاين رەجيمدە قولجەتىمدى.
ايتا كەتسەك، ح ق ك و جۇمىس ىستەۋ كەستەسىن مىنا سىلتەمەدەن كورۋگە بولادى.