قىزىلورداعا اتىراۋدان كەلگەن 13 ادامعا كوروناۆيرۋس دياگنوزى قويىلدى

قىزىلوردا. قازاقپارات - قىزىلوردادا اتىراۋدان كەلگەن 13 ادامعا كوروناۆيرۋس ينفەكتسياسى دياگنوزى قويىلدى، دەپ حابارلايدى قازاقپارات ءتىلشىسى.

قازىر وبلىستا ىندەت جۇقتىرعان 245 ادام بار . ولاردىڭ 188 ءى سىرقاتىنان ەمدەلىپ شىقتى.

«سوڭعى تاۋلىكتە كوروناۆيرۋس ينفەكتسياسى دياگنوزى قويىلعان 13 ادام انىقتالدى. ونىڭ 2 ءۋى قىزىلوردا قالاسىنان بولسا، 2 ءۋى ارال، 2 ءۋى قازالى، 2 ءۋى قارماقشى، 2 ءى شيەلى، 3 ءۋى جاڭاقورعان اۋداندارىنان. ولاردىڭ بارلىعى اتىراۋ وبلىسىندا مۇناي-گاز سالاسىندا جۇمىس ىستەيتىن وبلىسىمىزدىڭ تۇرعىندارى. بۇگىنگى تاڭدا بارلىعىنىڭ جاعدايى ءبىرقالىپتى»، - دەدى وبلىس اكىمىنىڭ ورىنباسارى ناۋرىزباي بايقاداموۆ.