قازاقستان قىتايعا 13 ءتۇرلى تاۋار جەتكىزبەك
مۇنداي ۋاعدالاستىققا بۇگىن الماتىدا وتكەن قازاقستان مەن قىتاي اراسىنداعى Ⅱ ءوڭىرارالىق فورۋمدا قول جەتكىزىلدى، دەپ حابارلايدى قازاقپارات ءتىلشىسى.
«ەكى ەل اراسىنداعى تاۋار اينالىمىن ۇلعايتۋ ماقساتىندا قازاقستان مەتاللۋرگيا، ماشينا جاساۋ، حيميا مەن تاعام ونەركاسىبى سالاسىندا وتاندىق تاۋار تۇرلەرى اسسورتيمەنتىن كوبەيتەدى. وسى تاۋارلار پوزيتسياسى شەڭبەرىندە قازاقستاندا ءبىرقاتار كاسىپورىن جۇمىس ىستەپ تۇر»، - دەدى ق ر پرەمەر ءمينيسترىنىڭ ءبىرىنشى ورىنباسارى، قارجى ءمينيسترى ءاليحان سمايىلوۆ.
ونىڭ ايتۋىنشا، قىتايعا ەكولوگيالىق تازا تاۋارلاردى جەتكىزۋ الەۋەتى جوعارى.
«بۇگىندە وتاندىق اۋىلشارۋاشىلىق ونىمدەرىنىڭ، اتاپ ايتقاندا، ەت، بالىق، ءبيداي، سويا بۇرشاقتارى، بال، ۇن ونىمدەرىنىڭ 13 ءتۇرىن قىتايعا جەتكىزۋ بويىنشا كەلىسىمگە قول جەتكىزىلدى»، - دەدى ول.
