قازاقستاندىق 13 جاسار ءانشى يتاليانىڭ بەلدى سىيلىعىنا يە بولدى
«Premio Mia Martini» ۆوكالدىق بايقاۋى يتاليالىق اتاقتى ءانشى ميا ءمارتينيدىڭ قۇرمەتىنە 1995-جىلدان بەرى ونىڭ تۋعان قالاسى بانيارادا وتكىزىلىپ كەلەدى.
كونكۋرس 4 كەزەڭنەن تۇرادى: كاستينگ، جارتىلاي فينال، راديوفينال جانە گراند- فينال. تەلەۆيزيالىق بايقاۋ قاتىسۋشىلارىنىڭ جاسى 4 تەن 45 كە دەيىن.
گراند-فينالدىڭ تىكەلەي ەفيرى، سونداي-اق Radio Medua جەرگىلىكتى راديوستانساسىندا جۇرگىزىلدى.
قازاقستاندىق جاس ءانشى ارۋجان ارداق اتالمىش كەزەڭدەردىڭ بارلىعىنان سۇرىنبەي ءوتىپ، ت م د ەلدەرىنەن جالعىز فيناليست بولدى. ارۋجان يتاليا تىلىنە جارتىلاي اۋدارىلعان رياننانىڭ «Love on the brain» ءانىن ورىندادى.
راديوفينالدا جانكۇيەرلەر بۇل ءاندى راديودان تىڭداپ، س م س ارقىلى داۋىس بەردى.
بايقاۋدان كەيىن جاس دارىننىڭ يتاليادا كوپتەگەن جانكۇيەرى پايدا بولدى. جارتىلاي فينال جانە گراند-فينالدا يتاليالىقتار قازاقستاندىق قىزدىڭ كوز تارتار ساحنالىق كيىمدەرىن دە ەرەكشە اتاپ ءوتتى.
ارۋجان ارداققا سىيلىقتى قالا مەرى ماريو رومەو تابىستادى.