سينوپتيكتەر 13 -اقپاندا قازاقستاندا اۋا ساپاسىنىڭ قانداي بولاتىنىن ايتتى

استانا. قازاقپارات - 13 -اقپان، سەيسەنبى كۇنگى مەتەورولوگيالىق جاعدايلار قازاقستاننىڭ 16 قالاسىنىڭ اتموسفەراسىندا لاستاۋشى زاتتاردىڭ جينالۋىنا ىقپال ەتەدى، دەپ حابارلايدى «قازاقپارات» ح ا ا «قازگيدرومەت» ر م ك- عا سىلتەمە جاساپ.

قولايسىز مەتەوجاعدايلار اقتوبە، اقساي، ورال، اقسۋ، ەكىباستۇز، پاۆلودار، الماتى، استانا، اتىراۋ، بالقاش، قاراعاندى كوكشەتاۋ، پەتروپاۆل، تالدىقورگان، تەمىرتاۋ، وسكەمەن قالالارىندا اۋادا لاستاۋشى زاتتاردىڭ شوعىرلانۋىنا ىقپال ەتەتىن بولادى.

اتىراۋ اتموسفەراسىندا ازداعان لاستاۋشى زاتتار جينالۋى مۇمكىن. سونداي-اق اقتاۋ، جاڭاوزەن، قوستاناي، كىزىلوردا، تاراز، شىمكەنت قالالارىندا اتموسفەراعا لاستاۋشى زاتتار تارالادى، دەيدى قازگيدرومەتتەگىلەر.

اۋانىڭ لاستانۋىنا بولجام جاساۋدا اتموسفەراداعى زياندى (لاستاۋشى) زاتتاردىڭ جينالۋىنا ىقپال ەتەتىن مەتەورولوگيالىق فاكتورلار، اتاپ ايتقاندا، جەلسىز اۋا، باياۋ جەل، تۇمان، ينۆەرسيا ەسكەرىلەدى.