قازاقستاندا 13 مىڭعا جۋىق شەتەلدىك ستۋدەنت ءبىلىم الۋدا
«قازىرگى تاڭدا جوعارى وقۋ ورىندارىندا 13 مىڭعا جۋىق (2,7 پايىز) شەتەلدىك ستۋدەنت ءبىلىم الۋدا. ولاردىڭ 6070- الىس شەتەلدەن. بۇل كورسەتكىشتى ارتتىرۋعا بارلىق مۇمكىندىك بار. تەك اعىمداعى جىلى عانا اعىلشىن تىلىندەگى 10 ءبىلىم بەرۋ باعدارلاماسى جاسالىپ، ەنگىزىلدى. جىل سايىن تاعى 10 اعىلشىن تىلىندەگى ءبىلىم بەرۋ باعدارلاماسى قۇراستىرىلاتىن بولادى. جوعارى وقۋ ورنىنا اعىمداعى جىلى 30 دان استام شەتەلدىك توپ- مەنەدجەر شاقىرىلدى. بۇل تاجىريبە ارى قاراي جالعاسىن تاباتىن بولادى»، - دەيدى ق ر ب ع م وكىلدەرى.
اتاپ ايتقاندا، 50 ج و و- دا قوس ديپلومدىق ءبىلىم بەرۋ باعدارلاماسى بويىنشا وقىتۋ جۇزەگە اسىرىلۋدا. بۇل باعىت بويىنشا جىل سايىن 5 جوعارى وقۋ ورنىن قوسۋ جوسپارلانۋدا.
فورۋم، كورمە جانە شەتەلدەگى قازاقستاننىڭ ءبىلىم كۇنىن ۇيىمداستىرۋ كەڭىنەن قولعا الىناتىن بولادى. قازىرگى كەزدىڭ وزىندە تاجىكستاندا، قىرعىزستاندا، وزبەكستاندا، قىتايدا، ءۇندىستاندا، يراندا جانە تۇركىمەنستاندا ەلىمىزدىڭ جوعارى وقۋ ورىندارىنىڭ PR- كورمەلەرى جۇرگىزىلۋدە. بۇل جۇمىستى «بولاشاق» حالىقارالىق باعدارلاما ورتالىعى ۇيىمداستىرۋدا.
«قىتايدا، ءۇندىستاندا، وزبەكستاندا «بولاشاق» حالىقارالىق باعدارلاما ورتالىعىنىڭ وكىلدىگىن اشۋ جوسپارلانۋدا. 2020 -جىلى ج و و- داعى شەتەلدىك ستۋدەنتتەردىڭ، ونىڭ ىشىندە اقىلى نەگىزدە ءبىلىم الۋشىلاردىڭ ۇلەسى 5 پايىزدى قۇرايتىن بولادى»، - دەلىنگەن مينيسترلىك مالىمەتىندە.
اۆتور: رۋسلان عابباسوۆ
