07:37, 08 - ماۋسىم 2017 | GMT +6
يرانداعى لاڭكەستىك وقيعالاردان 13 ادام مەرت بولدى
استانا. قازاقپارات - سەيسەنبى كۇنى يراندا ورىن العان تەررورلىق اكتىلەردىڭ سالدارىنان كەم دەگەن 13 ادام قازا تاۋىپ، تاعى 43 ادام زارداپ شەكتى.
بۇل تۋرالى يران ىشكى ىستەر ءمينيسترىنىڭ قاۋىپسىزدىك ماسەلەلەرى جونىندەگى ورىنباسارى حوسەين زولفاگاري ايتتى، دەپ حابارلايدى ت ا س س.
Reuters اگەنتىگى تاراتقان مالىمەتتەرگە قاراعاندا، لاڭكەستەر يران ازاماتتارى بولعان.
ەسكە سالساق، 7- ماۋسىمدا ءتورت لاڭكەس يسلام ريەۆوليۋتسياسىنىڭ نەگىزىن قالاۋشى يمام حومەيني ماۆزولەيىنىڭ عيماراتىندا اتىس ۇيىمداستىردى. ولاردىڭ ءبىرى عيمارات ىشىندە جارىلىس جاسادى. تاعى بەلگىسىز ءۇش ادام پارلامەنتتە وق اتىپ، ونىڭ سالدارىنان ءبىر ادام قازا تاۋىپ، بىرنەشە ادام جاراقاتتاندى. ب ا ق دەرەكتەرىنە سايكەس لاڭكەس جانكەشتى بەلدىگىن ىسكە قوسقان. د ا ي ش لاڭكەستىك توبى جاۋاپكەرشىلىكتى ءوز مويىندارىنا الدى.