يتاليادا 13 مىڭ جىل بۇرىن پلومبا سالىنعان ءتىس تابىلدى
بۇل ەڭ كونە ستوماتولوگيالىق شارا جاسالىنعان تىستەر سانالىپ وتىر. اتالمىش عىلىمي ەڭبەك American Journal of Physical Anthropology جۋرنالىندا جاريالاندى. ەمدەلگەن تىستەر ءبىرقاتار كونە اڭشى-تەرىمشى جانە جەر وڭدەۋشى مەن باقتاشى ادامداردىڭ قونىستارىنان تابىلدى.
ولاردىڭ بارلىعى نەوليت داۋىرىنە ياعني، ادامداردىڭ تاماق ءوندىرۋ جانە وڭدەۋ تەحنولوگياسىن جەتىلدىرگەن كەزىنە جاتادى (داقىلدار مەن بالدى ءجيى جەگەن)، سول تۇستا ءتىستىڭ اۋرۋلارى دا جيىلەپ كەتكەن.
بۇعان دەيىن مۇنداي كونە جادىگەر 2008-جىلى يتاليانىڭ ۆيللابرۋن قونىسىنان تابىلعان ەدى.
وندا ءتىستى تەسكەن كەزدەگى ءىز ساقتالعان. ونىڭ جاسى 14160 نەمەسە 13280 جىل دەپ ەسەپتەلەدى.
الايدا تىستە پلومبالاۋ بايقالماعان. بولون ۋنيۆەرسيتەتىنىڭ قىزمەتكەرلەرى باسقا دا عىلىمي ورتالىقتارداعى ارىپتەستەرىمەن بىرلەسە وتىرىپ قازىرگى توسكاننىڭ سولتۇستىگىندەگى فرەديان قونىسىنان تاپقان قاڭقالاردا، ءبىر ادامعا تيەسىلى ەكى تىسىندە ەمدەۋ بەلگىلەرى بايقالعان. بۇل ادام 13 مىڭنان 12740 جىل بۇرىن ءومىر سۇرگەن.
اۆتور: جانىبەك امانگەلدى
