قاراعاندى وبلىسى زاڭداستىرىلعان مۇلىك قۇنى بويىنشا 13-ورىنعا ورنالاستى

قاراعاندى. قازاقپارات - قاراعاندى وبلىسىندا مۇلىك پەن قارجى قاراجاتىن زاڭداستىرۋ ناۋقانىنىڭ الدىن الا ناتيجەلەرى شىعارىلدى، دەپ حابارلايدى «قازاقپارات» ح ا ا ءتىلشىسى.
None
None

«ناۋقان باستالعالى بەرى اكىمدىكتەر جانىنداعى كوميسسيالار مۇلىكتى زاڭداستىرۋ بويىنشا 1314 ءوتىنىمدى قابىلدادى، ونىڭ 588 ءى - قايتارىلدى، جالپى سوماسى 12,9 ميلليارد تەڭگەنى قۇرايتىن 759 ءوتىنىم قاناعاتتاندىرىلدى. كەيبىر وتىنىمدەردە بىرنەشە نىسان كورسەتىلدى. بارلىعى 820 نىسان زاڭداستىرىلدى، ولاردىڭ 121 ءى تۇرعىن جايلار»، - دەپ حابارلادى وبلىستىق ەكونوميكا جانە قارجى باسقارماسى باستىعىنىڭ ورىنباسارى ارداق ساتتىبايەۆا ايماق اكىمدىگىندە وتكەن كەڭەستە.

كەڭەستە ءمالىم بولعانداي، قاراعاندىلىقتار جالپى سوماسى 124,8 ميلليارد تەڭگەگە شەتەلدەگى مۇلىكتەرىن جانە قارجى قاراجاتتارىن كولەڭكەدەن شىعاردى. مەملەكەتتىك كىرىستەر ورگاندارىنا 725 ارنايى دەكلاراتسيا تاپسىرىلدى. ولار بويىنشا 123,9 ميلليون تەڭگە اقشا، 119,5 ميلليون تەڭگەگە باعالانعان شەتەلدەگى مۇلىكتەر، 650 ميلليون تەڭگەنى قۇرايتىن شەتەلدىك فيرمالارعا قاتىسۋ ۇلەستەرى زاڭدى كورىنىس تاپتى.

«مەملەكەتتىك بيۋدجەتكە ناۋقان بارىسىندا 13 ميلليون تەڭگە ءتۇسىم ءتۇستى»، - دەپ ءمالىم ەتتى وبلىستىق مەملەكەتتىك كىرىستەر دەپارتامەنتى باسشىسىنىڭ مىندەتىن اتقارۋشى قايرات ورقاشبايەۆ.

ەسكە سالايىق، قازاقستاندا مۇلىك پەن قارجى قاراجاتىن زاڭداستىرۋ ناۋقانى 2004-جىلدىڭ 1- قىركۇيەگىندە باستالىپ، 2016-جىلدىڭ 31- جەلتوقسانىندا اياقتالدى.

سوڭعى جاڭالىقتار