16:06, 06 - قاڭتار 2017 | GMT +5
ۆەنەسۋەلادا تىكۇشاق اپاتىنان امان قالعان 13 ادام تابىلدى
استانا. قازاقپارات - 2016 -جىلعى 30 - جەلتوقساندا ۆەنەسۋەلانىڭ وڭتۇستىگىندە جوعالىپ كەتكەن اسكەري تىكۇشاق اپاتىنان كەيىن كەمىندە 13 ادام امان قالدى.

بۇل تۋرالى بۇقارالىق اقپارات قۇرالدارىنا ەكيپاج مۇشەلەرىنىڭ تۋىستارى مەن جولاۋشىلار حابارلادى.
بۇدان بۇرىن ۆەنەسۋەلا اسكەريلەرىنە تيەسىلى مي-17 تىكۇشاعى قۇلاعان كەزدە 16 ادام قازا تاپتى، ونىڭ 11- اسكەري قىزمەتشى دەلىنگەن بولاتىن. ەل ۇكىمەتى قازا بولعاندار جايلى اقپاراتتى راستاعان جوق.
بەلگىلى بولعانى، بيلىك ورىندارى الگىلەردىڭ تۋىستارىنا حابارلاسىپ، اپاتقا ۇشىراعان تىكۇشاقتاعى ادامداردىڭ ءتىرى ەكەنىن ايتقان. دارىگەرلەر ولاردى لا- ەسمەرالدا (اماسوناس شتاتى) قالاسىندا تەكسەرۋدە، دەپ حابارلادى ر ي ا نوۆوستي.