شىمكەنتتىكتەردىڭ ماقتانۋىنا 13 سەبەپ - فوتو

استانا. قازاقپارات - وتكەن دەمالىس كۇندەرى شىمكەنت قالا كۇنىن اتاپ ءوتتى. شىمكەنتتىكتەردى قاتتى جاقسى كورەتىندەر دە، مۇلدەم ۇناتپايتىندار دا بارشىلىق.

دەگەنمەن ولارعا بەي-جاي قارايتىن ادام جوقتىڭ قاسى. NUR. KZ پورتالى شىمكەنتتىكتەردىڭ ماقتانىشپەن ايتاتىن 13 ەرەكشەلىگىن نازارلارىڭىزعا ۇسىنادى.

1. شىمكەنت - قازاقستاننىڭ ەڭ كونە قالاسى

قالانىڭ 2200 جىلدىق تاريحى بار. بۇل فاكتىنى ساۋلەتشى- عالىمدار راستاپ وتىر. ولاردىڭ سوزىنە سەنسەك، قالانىڭ العاشقى تۇرعىندارى VI- VII عاسىردا ءومىر سۇرگەن.

شىمكەنت تۋرالى العاش رەت شاراف اد-دين الي يازدي ەسىمدى تاريحشى 1425-جىلى «زافار نامە» («جەڭىستەر كىتابى») اتتى كىتابىندا جازعان.

2. ميلليون تۇرعىنى بار قالا

وتكەن جىلى شىمكەنت قالاسىنىڭ ايماعى 117 مىڭ گەكتار جەرگە دەيىن جەتىپ، ماسكەۋدىڭ ءوزىن شاڭ قاپتىرىپ كەتتى. بۇل جايتتى شىمكەنتتىكتەر ماقتانىشپەن ايتادى.

دەگەنمەن قالانى ءساندى دە سالماقتى ەتەتىن گەكتارلار ەمەس، ادامدار. شىمكەنت ميلليون تۇرعىنى بار حالىق اتانۋعا شاق قالۋدا. بۇگىندە وندا 896 مىڭ ادام بار ەكەندىگى انىقتالعان. ەگەر الماتى مەن استانادا جۇرگەن شىمكەنتتىكتەردى قوساتىن بولساق، ولاردىڭ سانى كەمىندە 300 مىڭعا ارتاتىنى انىق.

3. قازاقستاننىڭ ەڭ «كوپبالالى» قالاسى

شىمكەنت تۋۋ كورسەتكىشى بويىنشا قازاقستاندا كوش باستاپ تۇر. بۇل وڭىردە كوپبالالى انا بولۋىڭمەن ەشكىمدى تاڭداندىرا المايسىڭ. سەبەبى، شىمكەنتتە 30720 «كۇمىسالقا» يەگەرى، 25508 «التىن القا» يەگەرى بار.

4. قازاقستاننىڭ وڭتۇستىگى ەلدىڭ ەكونوميكاسىنا سۇبەلى ۇلەس قوسۋدا

جەمىس-جيدەكتەر، قاۋىن-قاربىز بەن ماقتا جاعىنان وڭتۇستىك ادامدارى كوش باسىندا. توننالاعان كوكونىستەردى وڭتۇستىك قازاقستاندىقتار الماتى مەن استاناعا تاسىپ، تۇرعىنداردى ارزان جەمىس-جيدەكتەرمەن قامتاماسىز ەتىپ وتىر.

5. ءدامدى ءارى ارزان تاعام

داستۇرگە اينالعان بەشبارماق فەستيۆالىن تەك شىمكەنتتىكتەر عانا ويلاپ تابا الادى. شىمكەنت ءدامدى ءارى ارزان تاعامىمەن ەستە قالادى. ماسەلەن، كاۋاپتى 250 تەڭگەدەن، پالاۋدى 400-500 تەڭگەدەن ساتىپ الاسىز.

6. قوناقجايلىق

وڭتۇستىكتە قوناقتى بارىنشا سىيلايدى. الىس تۋىسقاننىڭ ءوزى ۇزاققا قوناقتاپ جاتسا دا، ولار استى-ۇستىنە ءتۇسىپ كۇتەدى. بۇل جايت اسىرەسە شەتەلدىكتەردىڭ كوڭىلىنەن شىعىپ ۇلگەرگەن.

قوناقتى سوزبەن تويعىزا المايسىڭ دەپ سانايتىن شىمكەنتتىكتەر تانىمايتىن ادامدى دا سىيلى قوناق ەتۋگە ءازىر. ولار سىزگە تەك استان از الىپ وتىرعانىڭىز ءۇشىن رەنىش ءبىلدىرۋى مۇمكىن.

7. شىمكەنتتىك تويلار بارىنشا دۇركىرەپ وتەدى

شىمكەنتتىكتەر تويعا 200-300 ادام شاقىرعاندى كوپسىنبەيدى. توي يەلەرى كوبىنە التىن تۇستەس ليمۋزينمەن قالا ارالاپ، تويعا ءبىرتالاي اقشا جۇمسايدى. شىمكەنتتە تويعا كەمىندە 3-5 ميلليون تەڭگە كەتىرۋ - تاڭسىق دۇنيە ەمەس.

8. شىمكەنت - شۋاقتى قالا

بۇل جەردە كۇننىڭ شۋاعى جىلىنا 300 كۇن جايناپ تۇرادى. ال جاز ايى مامىردان قازانعا دەيىن سوزىلادى. 50+ گرادۋستىق ىستىق - شىمكەنتتىكتەر ءۇشىن ۇيرەنشىكتى اۋا رايى.

9. كاسىپكەر قالا

شىمكەنتتىكتەر كاسىبىن دوڭگەلەتۋ ءۇشىن قوماقتى نەسيە الۋدان دا تايىنبايدى. ولاردا شاعىن كاسىپكەرلىكپەن اينالىساتىن 17 مىڭ تۇرعىن بار. كەيبىر كاسىپ يەلەرى قازاقستان بويىنشا بىرەگەي ەكەندىگى دە بەلگىلى. ماسەلەن، ەۋروپالىق برەندتەردەن كەم تۇسپەيتىن ايەلدەر شۇلىعىن شىعاراتىن فابريكا.

نەمەسە كىلەم شىعاراتىن فابريكانى ايتۋعا بولادى، ول وڭىردەگى ەڭ سۇرانىسقا يە تاۋاردى ۇسىنۋدا.

10. وليمپيادا ماقتانىشى

وليمپيادا جۇلدەگەرلەرىنىڭ ءبىرتالايى و ق و- دان شىققان. نەللي كيمنەن باستاپ، جازيرا جاپپارقۇلعا دەيىن - و ق و تۋمالارى.

11. مۋزىكاداعى ماقتانىشتار

وپەرا ءانشىسى، حالىق ءارتىسى نۇرجامال ۇسەنبايەۆا دا و ق و- دا تۋعان. تانىمال و ق و وكىلدەرى قاتارىندا قايرات نۇرتاس، قايرات تۇنتەكوۆ، التىناي جورابايەۆا تاعىسىن تاعىلار بار.

12. 50 مەتر بيىكتىككە جەتەتىن «التىن اي» اتتراكتسيونى

بۇل اتتراكتسيون جاقىندا عانا شىمكەنتتە سالىنعان. ول ورتالىق ازياداعى ەڭ ۇلكەن اتتراكتسيون سانالادى - ديامەترى 50 مەتر. ايتا كەتەرلىگى وعان قىستا دا، جازدا دا وتىرۋعا بولاتىنداي بارلىق جاعداي جاسالعان.

13. شىمكەنت اكىمى عابيدوللا ءابدىراحىموۆ

شىمكەنتتىكتەر ءوز اكىمى عابيدوللا ءابدىراحىموۆتى ماقتان تۇتادى. قالانى لاس-ۆەگاس ەتۋگە ءسوز بەرگەن اكىمگە تۇرعىندارى زور ۇمىتپەن قارايدى.