تۇركيا بيلىگى اسكەري توڭكەرىستەن سوڭ 13 مىڭ ادامدى ۇستاعان

استانا. قازاقپارات - تۇركيا پرەمەر-ءمينيسترى بينالي يىلدىرىم ەلدە بولعان اسكەري توڭكەرىسكە قاتىسى بار دەگەن كۇدىكپەن 13 مىڭنان استام ادامدى ۇستاعاندارىن حابارلادى.

ونىڭ ايتۋىنشا، ۇستالعان ادامداردىڭ ىشىندە 1329-ى پوليتسيا قىزمەتكەرلەرى، 8 مىڭى سولداتتار، 2 مىڭ ادام سوت قىزمەتكەرلەرى، 52 اۋدان گۋبەرناتورى مەن 689 قاراپايىم ادامدار. يىلدىرىم سونداي-اق 13 مىڭنىڭ 5837 سىنە ۇستالعان كەزدە مەملەكەتتىك توڭكەرىس جاساۋعا نيەتتەندى دەگەن ايىپ تاعىلعان.

ەسكە سالا كەتەيىك، تۇركياداعى اسكەري توڭكەرىس 16- شىلدەگە قاراعان ءتۇنى ورىن الدى.

بىرنەشە كۇن وتكەن سوڭ ەلدە توتەنشە رەجيم ەنگىزىلدى. وسىعان دەيىن بۇل ىسكە قاتىسى بار دەگەن كۇدىكپەن 7,5 مىڭ ادام ۇستالدى دەپ حابارلانعان بولاتىن.