دارىگەرلەر: دەنە تاربيەسى قاتەرلى ىسىكتىڭ 13 ءتۇرىنىڭ دامۋىن تومەندەتەدى

استانا. قازاقپارات - ءجيى جاسالا بەرمەيتىن جاتتىعۋلار دا قاتەرلى ىسىكتىڭ 13 ءتۇرىنىڭ دامۋىن تومەندەتەدى. بۇل تۋرالى ارنايى زەرتتەۋ جۇرگىزگەننەن كەيىن بريتانيالىق عالىمدار ايتتى.

تاجىريبەگە شامامەن 1,4 ميلليون ادام قاتىستى. ماماندار 1987 -جىل مەن 2004 -جىل ارالىعىندا الىنعان زەرتتەۋ ناتيجەلەرىنە ساراپتاما جۇرگىزدى، دەپ جازادى شەتەلدىك ب ا ق.

ناتيجەسىندە جاياۋ سەرۋەندەۋ، ۆەلوسيپەدپەن ءجۇرۋ نەمەسە جۇگىرۋ باۋىر ىسىگىنىڭ دامۋىن % 27، وكپە وبىرىنىڭ دامۋىن % 26، بۇيرەك ىسىگىنىڭ دامۋىن % 23 تومەندەتەتىنى انىقتالدى. جالپى دەنە تاربيەسى قاتەرلى ىسىكتىڭ كەز كەلگەن ءتۇرىنىڭ دامۋىن % 7 تومەندەتۋگە ىقپالداسادى.

عالىمدار سپورتپەن ەڭ كەمى اپتاسىنا 2,5 ساعات اينالىسۋعا كەڭەس بەرەدى. ايتا كەتەيىك، ا ق ش- تا تۇرعىنداردىڭ %51 مۇنى دا جاسامايدى ەكەن. جالپى جەر تۇرعىندارىنىڭ اراسىندا ولاردىڭ ۇلەسى شامامەن 30 پايىز.