الەمگە ايگىلى سمارتفوننىڭ توقساندىق تابىسى 13 جىلدا العاش رەت تومەندەدى

استانا. قازاقپارات - Apple- دىڭ توقساندىق تابىسى 13 جىلدا العاش رەت تومەندەدى.

بۇل قۇبىلىس كومپانيا سالىمشىلارىن الاڭداتىپ وتىر.

قۇندى قاعازدارىنىڭ باعاسى 7,5 پايىزعا ارزانداپ، ءونىمنىڭ ساتىلىمى ەداۋىر باسەڭدەگەن، دەپ جازادى 24.kz.

نارىقتا ا ق ش- تان كەيىنگى ورىندا تۇرعان قىتاي ەلىندە وسى ءونىم ساۋداسىنىڭ تورتتەن ءبىر بولىگى توقتاپ تۇر. كومپانيا باسشىلارى تابىس مولشەرى كەلەسى توقساندا دا ازاياتىنىن جوققا شىعارمايدى. ءبىراق ولاردىڭ پايىدماۋىنشا، بۇل ۋاقىتشا قۇبىلىس.

- مەنىڭ ويىمشا، ساۋدا ورىندارىندا ونىمدەرىمىزدىڭ وتپەي قالۋىنا بىرنەشە سەبەپ بار. ونىڭ ءبىرى ارزان سمارتفوندار باسەكەسىنىڭ ارتۋى جانە حالىقتىڭ قولىندا بار سمارتفوندى قاناعات تۇتۋى بولىپ تابىلادى. ءبىراق الداعى توقسانداردا Apple ساۋداسى قايتا قىزادى، - دەيدى Forester ساراپشىسى فرەنك دجيللەت.