عالىمدار 13 جىل بۇرىن مارستا جوعالعان اپپاراتتى تاپتى

استانا. قازاقپارات - لوندون ۋنيۆەرسيتەتتىك كوللەدجىنىڭ وكىلدەرى مارس بەتىنىڭ جاڭا سۋرەتتەرىن تانىستىردى.

بۇل سۋرەتتەردەن جوعالعان «بيگل-2» قوندىرۋ مودۋلىن كورۋگە بولادى. بۇل تۋرالى كوللەدجدىڭ رەسمي سايتىندا حابارلاندى.

سۋرەتتەردى ءتۇسىرۋ ءۇشىن زەرتتەۋشىلەر Gotcha-PDE- TV تەحنولوگياسىن پايدالاندى.

اۆتورلار كورسەتكەن سۋرەتتەر Mars Reconnaissance Orbiter عارىش اپپاراتىنىڭ بورتىنا ورناتىلعان HiRISE كامەراسى ارقىلى جاسالعان. HiRISE كامەراسى 300 كيلومەتر بيىكتەن 30 سانتيمەتر زاتتى اجىراتا الادى.

ولار سۋرەت ءتۇسىرۋدىڭ قانىقتىلىعىن ارتتىرىپ، 5 سانتيمەتر زاتتى اجىراتا الاتىنداي وزگەرتتى.

تەحنولوگيانى قۇراستىرۋشىلار ەكى سۋرەتتى جۇرت نازارىنا ۇسىنىپ وتىر. بىرىنشىسىندە 2004-2010-جىلدارى مارستا جۇرگەن SPIRIT كولىگىنىڭ ىزدەرىن كورۋگە بولادى.

سونداي-اق عالىمدار بولجام بويىنشا «بيگل-2» مودۋلى قونعان جەردىڭ قانىقتىعى جوعارى سۋرەتتەرىنە قول جەتكىزدى. سۋرەتتەن Y- ءپىشىندى زاتتىڭ نىشانىن بايقاۋعا بولادى. زەرتتەۋشىلەردىڭ پايىمىنشا، بۇل عارىش اپپاراتى.

زەرتتەۋشىلەر سۋرەتتەرمەن جۇمىس جاساۋدى جالعاستىرىپ، وزگە سۋرەتتەردىڭ ساپاسىن جاقسارتپاق.