رەسەيدە اناسىن قورعاعان 13 جاستاعى قىز ماس اكەسىنىڭ ولىمىنە سەبەپشى بولدى
تەرگەۋگە دەيىنگى مالىمەتتەر بويىنشا، قىز اناسىن ماس اكەسىنەن قورعاماق بولىپ، قولىنا پىشاق العان. بۇل تۋرالى ايماق بويىنشا تەرگەۋ كوميتەتىنىڭ باسپا ءسوز قىزمەتىنەن حابارلادى، دەپ جازادى ren.tv.
«تەرگەۋ مالىمەتتەرى بويىنشا، 2016 -جىلدىڭ 22 -ساۋىرىندە شامامەن ساعات 23 تە 13 جاسار قىزدىڭ اتا-اناسىنىڭ اراسىندا جانجال تۋىنداپ، اكەسى اناسىنا قول تيگىزگەن. اناسىن قورعاماق بولعان ءجاسوسپىرىم قولىنا پىشاق الىپ، اكەسىنە سىلتەگەن. جابىرلەنۋشى ەمدەۋ مەكەمەسىنە جەتكىزىلدى، وندا مەديتسينالىق كومەك كورسەتىلگەنىنە قاراماستان، كوپ ۇزاماي كوز جۇمدى»، - دەلىنگەن باسپا ءسوز قىزمەتىنىڭ حابارلاماسىندا.
قىز اتا- اناسىمەن بىرگە جەكەمەنشىك ۇيدە تۇرىپ كەلگەن. بيىلعى جىلدىڭ ناۋرىز ايىندا اكەسى باس بوستاندىعىنان ايىرۋ ورنىنان ورالعان. كورشىلەردىڭ ايتۋىنشا، بۇل ۇيدە ۇرىس- كەرىس ءجيى بولىپ، اكەسى سپيرتتىك ىشىمدىكتى كوپ ىشەتىن بولعان.
قازىرگى كەزدە ەر ادامدى ءولتىرۋ فاكتىسى بويىنشا قىلمىستىق ءىس قوزعاۋ ماسەلەسى قاراستىرىلۋدا. ءبىرقاتار ساراپتاما تاعايىندالدى.
