وڭتۇستىك قازاقستاندا سۋعا تۇنشىققان 13 ادام قايتىس بولدى

استانا. قازاقپارات - وڭتۇستىكتە شومىلۋ ماۋسىمى باستالماي جاتىپ، جىل باسىنان بەرى سۋعا كەتىپ مەرت بولعانداردىڭ سانى 13 كە جەتتى.

ونىڭ سەگىزى - كامەلەت جاسقا تولماعان جاسوسپىرىمدەر.

و ق و- دا جىل باسىنان بەرى 17 ادام سۋعا كەتكەن دەپ حابارلايدى وتىرار ارناسى.

قايعىلى جاعدايلاردىڭ بارلىعى قۇتقارۋشىلار باقىلانبايتىن سۋ ايدىندارىندا ورىن العان. بۇل تۋرالى وبلىستىق توتەنشە جاعدايلار دەپارتامەنتى باستىعىنىڭ ورىنباسارى باتىرعالي سوپبەكوۆ مالىمدەدى. ونىڭ ايتۋىنشا، ادام ولىمىمەن اياقتالعان وقيعالار كوبىنە جاس بالالاردىڭ قاراۋسىز قالۋىنان نەمەسە ەرەسەكتەردىڭ ماس حالدە سۋعا ءتۇسۋى سالدارىنان بولادى.

قۇتقارۋشىلار، سونداي-اق، قازىر سۋعا باتىپ كەتكەن ەكى ازاماتتىڭ دەنەسىن ىزدەۋدە. ونىڭ ءبىرى ەگدە جاستاعى كىسى بولسا، ەكىنشى ادامنىڭ ءمايىتى قاڭتار ايىنان بەرى تابىلماي جاتىر.

 

دەرەككوز: Otyrar-tv.kz