اقمولالىق ارۋ 13 جىلدان بەرى ورمانشى بولىپ ەڭبەك ەتەدى
ورمان شارۋاشىلىعىنا باسىندا قاراپايىم جۇمىسشى بوپ كەلگەن ول بۇگىندە ون شاقتى ادامنان قۇرالعان بريگاداعا جەتەكشىلىك ەتەدى، دەپ حابارلايدى 24- تەلەارناسى.
ەۆگەنيا ءوز ۇجىمىندا ۇلكەن بەدەلگە يە.
«ورمانشى بولۋ دەگەن ەرلەردىڭ جۇمىسى عوي، نەگىزى. ءبىراق جەنيا نازىكجاندى بولسا دا، ءوز قىزمەتىنە ادال. تاپسىرىلعان ءىستى تاپ-تۇيناقتاي قىلىپ ورىندايدى. ەۆگەنيانىڭ اناسى دا بىزدە ەڭبەك ەتكەن بولاتىن. اكەسى دە وسىندا جۇمىس ىستەيدى. ورمانشى ەۆگەنيا كولىكتىڭ كەزكەلگەن ءتۇرىن تىزگىندەي الادى. ونىڭ ءوز جۇمىسىنا دەگەن ادالدىعى مەن تياناقتىلىعىنا قاراپ، قۇددى ءبىر اسكەري ادام دەرسىڭ»، دەيدى «كوكشەتاۋ» مۇتپ زەرەندى فيليالىنىڭ ديرەكتورى كوشپاي مۇقانوۆ.
ەۆگەنيا نەگىزى ورمانشىلار وتباسىنان شىققان. اكەسىنىڭ قاسىندا ءجۇرىپ، تابيعاتتىڭ ادەمىلىگىنە تامسانعان ارۋ اقىرىندا ورمانشى بولۋدى ۇيعارادى. «مەن وتباسىمدى قالاي جاقسى كورسەم، ءوز جۇمىسىم دا مەن ءۇشىن سونداي قىمبات. ماعان مۇندا بارلىعى ۇنايدى. تازا اۋا، نۋ ورمان. ونىڭ ۇستىنە اتام مەن اجەم دە - وسى ورمان شارۋاشىلىعىنىڭ نەگىزىن قالاعاندار. ورمانشى بولۋ - ايەل ادامعا وڭاي ەمەس»، دەيدى زەرەندى ورمان شارۋاشىلىعىنىڭ اعا شەبەرى ەۆگەنيا سۆەتليچنايا.
ەۆگەنيانىڭ ەندىگى ارمانى ورمان شارۋاشىلىعىنىڭ ەسكى كەڭسەسىن مۇراجايعا اينالدىرۋ. ال ودان كەيىن، ارينە، انا رەتىندەگى ارمانى - ءوسىرىپ وتىرعان قوس ۇلىنىڭ ەر جەتىپ، ورمانشىلار اۋلەتىنىڭ اتا كاسىبىن جالعاسا دەيدى.
