توي قوناقتارى مىنگەن اۆتوبۋس اپاتقا ۇشىراپ، 13 ادام مەرت بولدى

استانا. قازاقپارات - ءۇندىستاننىڭ اندحرا-پرادەش شتاتى كاندۋكۋر قالاسىنىڭ ماڭىندا توي قوناقتارى مىنگەن شاعىن اۆتوبۋس اپاتقا ۇشىرادى.

سالدارىنان 13 ادام، سونىڭ ىشىندە ءۇش بالا اجال قۇشتى، دەپ حابارلايدى ر ي ا- نوۆوستي.

قوناقتاردى ۇيلەنۋ تويىنا اپارا جاتقان شاعىن اۆتوبۋس كاندۋكۋر قالاسىنىڭ جانىندا ۇلكەن اۆتوبۋسپەن سوقتىعىسىپ، سالدارىنان 13 ادام وپات بولدى. تاعى ونى جارالانىپ، اۋرۋحاناعا جەتكىزىلدى.

Times of India باسىلىمىنىڭ اقپاراتىنشا، كوز جۇمعاندار اراسىندا ءۇش ءسابي دە بار. شاعىن اۆتوبۋستا بارلىعى 40 ادام بولعان.

«شاعىن اۆتوبۋستىڭ سالونىندا وتىرعان 13 جولاۋشى وقيعا ورنىندا مەرت بولدى. اۆتوبۋس سوقتىعىستان كەيىن ورتەنىپ كەتكەن. ال جۇرگىزۋشى مەن قاسىنداعى سەرىگى وقيعا ورنىنان بوي تاسالادى»، - دەيدى كاندۋكۋر قالاسى پوليتسياسىنىڭ وكىلى.