بىرلەسكەن ۇلتتار ۇيىمىنىڭ 13 مىڭنان استام قىزمەتكەرى ەرەۋىلگە شىقتى

استانا. قازاقپارات - بىرلەسكەن ۇلتتار ۇيىمى تاياۋ شىعىستاعى پالەستينالىق بوسقىنداردىڭ بالالارىن وقىتۋ ءۇشىن 700 مەكتەپ اشقان.
None
None

ءبىلىم ورداسىنىڭ 250 ى وسى گازا سەكتورىندا. جىل سايىن اتالعان وقۋ ورىندارىن قارجىلاندىرۋعا 680 ميلليون دوللار جۇمسالادى. ال بيىلعى قارجى تاپشىلىعى 22 ميلليون دوللاردى قۇراپ وتىر. بۇدان باسقا، ب ۇ ۇ- نىڭ پالەستينالىق بوسقىندارعا كومەك بەرۋگە ارنالعان تاياۋ شىعىستاعى اگەنتتىگى وسىنىڭ الدىندا 137 قىزمەتكەرىن الداعى قىركۇيەك ايىنىڭ سوڭىنا دەيىن قىسقارتاتىنىن ايتقان بولاتىن.

گازا قالاسىندا ب ۇ ۇ- نىڭ 13 مىڭنان استام قىزمەتكەرى ەرەۋىلگە شىقتى. ولار وسى حالىقارالىق قاۋىمداستىقتىڭ بوسقىندارعا جاردەم بەرەتىن مەكەمەسىنىڭ ماماندارى. قارجى داعدارىسى ب ۇ ۇ- نى دا قىسپاققا الۋدا.

قازىرگى ۋاقىتتا ب ۇ ۇ- نىڭ تاياۋ شىعىستاعى قىزمەتكەرلەر جۇمىسقا ەمەس، ەرىكسىز ەرەۋىلگە شىقتى. وسى اپتادا گازا سەكتورىندا حالىقارالىق قاۋىمداستىق ارقىلى قارجىلاندىرىلاتىن 250 مەكتەپ ساباق ماۋسىمىن باستاۋى ءتيىس ەدى. ءبىراق باسشىلىق تاراپىنان جايسىز حابار العان سوڭ، ءبىلىم وردالارى وقۋشىلارعا ەسىكتەرىن اشا المادى. نارازىلىق بىلدىرگەن مىڭداعان جۇرتتىڭ كوبى -  مۇعالىمدەر. ولارعا ەندى دارىگەرلەر دە قوسىلىپ وتىر.

سۋحايل ءال- حيندي، ب ۇ ۇ- نىڭ تاياۋ شىعىستاعى اگەنتتىك وكىلى:

- اگەنتتىك اكىمشىلىگى قىزمەتكەرلەرگە ءبىر جىلدىق اقىسى تولەنبەيتىن دەمالىس بەرىپ، سىنىپتاعى وقۋشىلار سانىن 50 بالاعا دەيىن كوبەيتۋ تۋرالى ورىنسىز شەشىمنىڭ كۇشىن جويۋى كەرەك. ءبىز 50 جىلعا ارتقا كەتتىك. سوندىقتان اكىمشىلىكتى دۇرىس شەشىم قابىلداۋعا شاقىرامىز.

ماحمۋد حامدان، جۇمىسشىلار وداعى مۇعالىمدەر سەكتورىنىڭ مەڭگەرۋشىسى:

- باس كوميسسار بارلىق قىزمەتكەرلەرگە اقىسى تولەنبەيتىن مىندەتتى دەمالىس بەرۋ تۋرالى قاتە نۇسقاۋ شىعاردى. ونىڭ مۇنداي قادامعا بارۋىنا ەشقانداي قۇقىعى جوق. ءبىر سىنىپتا 50 بالا وتىرسا، ءبىلىم ساپاسى تومەندەيدى دەگەن ءسوز. بۇل -  وتە قاۋىپتى باعىت.

بۇل شارا ۋاقىتشا كەلىسىمشارتپەن جۇمىس ىستەپ جۇرگەن حالىقارالىق قىزمەتكەرلەردىڭ %85 ىن قامتىماق. سونىمەن قاتار اگەنتتىك وكىلدەرى تاياۋ اپتالاردا بۇدان قيىن شەشىمدەر قابىلداۋعا تۋرا كەلەتىنىن جاسىرماي وتىر.

www.24.kz

سوڭعى جاڭالىقتار