وڭتۇستىك قازاقستان وبلىسىندا 13 جولاۋشىنىڭ قازاعا ۇشىراۋىنا كىنالى شاعىن اۆتوبۋس جۇرگىزۋشىسى قايتىس بولدى
و ق و ءى ءى د باسپا ءسوز قىزمەتىنىڭ حابارلاۋىنشا، وسى جويقىن اپاتتا قۇربان بولعاندار سانى 14 ادامعا جەتتى. وقيعا ورنىندا 9 ادام مەرت بولدى، ال اۋرۋحانانىڭ وڭالتۋ بولىمىندە ەسىن جيا الماعان تاعى بەس ادام كوز جۇمدى، ولاردىڭ اراسىندا شاعىن اۆتوبۋس جۇرگىزۋشىسى دە بار.
«بۇعان قاراماستان، ءىستى تەرگەۋ جالعاستىرىلا بەرەدى. سوقتىعىسۋدىڭ بارلىق سەبەپتەرىن انىقتايتىن بولامىز، «مەرسەدەس- سپرينتەر» شاعىن اۆتوبۋسى كىمدىكى ەكەنى دە انىقتالادى»، - دەدى و ق و ءى ءى د باسپا ءسوز قىزمەتىنىڭ جەتەكشىسى سالتانات قاراكوزوۆا.
قازىر جەدەل مەديسينالىق كومەك اۋرۋحاناسىندا تاعى بەس ادام جاتىر، ولاردىڭ ۇشەۋى - وڭالتۋ بولىمشەسىندە. وبلىستىق بالالار اۋرۋحاناسىندا دارىگەرلەر تاعى ءۇش بالانىڭ ءومىرى ءۇشىن كۇرەسۋدە. ولار تۇراقتى اۋىر جاعدايدا، ال اۋرۋحاناعا تۇسكەندە وتە اۋىر جاعدايدا بولعان. زارداپ شەككەن بالالار 3, 4 جانە 9 جاستاردا، دەپ ناقتىلادى اۋرۋحانادا. ولاردىڭ ەكەۋى - تاراز تۇرعىنى جانە ءبىر قىز - و ق و- دان.
