حايۋاناتتار باعىنان التى ارىستان، جەتى ايۋ، 13 قاسقىر قاشىپ كەتتى

 استانا. قازاقپارات - گرۋزيا استاناسىندا جەكسەنبىگە قاراعان ءتۇنى سۋ تاسقىنى ۋاقىتىندا حايۋاناتتار باعىنان قاشىپ شىققان جىرتقىشتار ىزدەستىرىلۋدە، ولاردى ىزدەۋگە ءى ءى م ارنايى جاساعى شىقتى،

دەپ حابارلادى بي- بي- سي.

 بۇدان بۇرىن حابارلانعانداي، بىرنەشە ساعاتقا سوزىلعان نوسەر جاۋىننىڭ سوڭى قالانىڭ بىرنەشە اۋداندارىن سۋ باسۋىنا الىپ كەلدى. جۇزدەگەن ۇيلەردىڭ اۋلاسى، ءبىرىنشى قاباتى، جەر تولەلەرى سۋ استىندا قالدى.

سۋ باسقان حايۋاناتتار باعىنان التى ارىستان، التى جولبارىس، جەتى ايۋ، 13 قاسقىر قاشىپ كەتكەن.

تبيليسي اكىمى داۆيد نارمانيا تۇرعىنداردى كوشەگە شىقپاۋدى، ەگەر جىرتقىشتاردى كوزدەرى شالسا، دەرەۋ حابارلاۋعا شاقىردى.

سوڭعى دەرەكتەرگە سۇيەنسەك، تبيليسيدە 8 گە جۋىق ادام سۋ تاسقىنىنىڭ قۇربانى بولدى.

اپاتتىڭ سالدارىن جويۋ ءۇشىن گرۋزيا استاناسىندا توتەنشە شتاب قۇرىلدى.