امستەردامدا قازاقتاردىڭ 13- قۇرىلتايى ءوتتى
نيدەرلاندى استاناسىنا بىرنەشە ەلدە، اتاپ ايتقاندا اۆستريا، ۇلى بريتانيا، گەرمانيا، دانيا، نورۆەگيا، تۇركيا، فرانسيا، شۆەيتساريا جانە شۆەتسيادا تۇراتىن ەكى مىڭنان استام ەتنيكالىق قازاقتار كەلدى.
قۇرىلتاي اياسىندا جاستار اراسىندا قازاق ءتىلىن، تاريحىن جانە مادەنيەتىن بىلۋدەن كونكۋرس وتكىزىلدى. سونداي-اق ۇلتتىق ويىندار، فۋتبولدان جولداستىق كەزدەسۋ، سۋرەت كورمەسى ۇيىمداستىرىلدى.
بۇدان باسقا ەۋروپالىق قازاقتار قاۋىمداستىعىنىڭ وتىرىسى ءوتتى. وندا قازاق ءتىلىن جانە ۇلتتىق مادەنيەتتى دامىتۋ ماسەلەلەرى تالقىلاندى.
قۇرىلتايعا قاتىسۋشىلار قازاقستاننىڭ تاۋەلسىزدىك العاننان بەرگى كەزەڭدەگى قول جەتكەن تابىستارىن ايتا كەلە، ەلدە جۇزەگە اسىپ جاتقان ستراتەگيالىق باعدارلامالار: «قازاقستان-2050»، «نۇرلى جول - بولاشاققا باستار جول» جانە بەس ينستيتۋتسيونالدىق رەفورمانى ىسكە اسىرۋ باعىتىنداعى «ۇلت جوسپارى-100 قادامدى» قولدايتىندىقتارىن ءبىلدىردى.
بۇدان باسقا، قازاق دياسپوراسىنىڭ وكىلدەرى قازاق تىلىندەگى وقۋ قۇرالدارىن، جانە ەۋروپادا قازاق ءتىلى كۋرستارىن ۇيىمداستىرۋ جونىندە وتىنىشتەرىن ايتتى. ولار جاستاردى قازاق حالقىنىڭ تاريحىمەن تانىستىرۋ جانە ۇلتتىق ءداستۇردى ساقتاۋ ءۇشىن ۇلتتىق مادەني ورتالىقتار اشۋ تۋرالى ۇسىنىستارىن ءبىلدىردى.
جيىن قورىتىندىسى بويىنشا كەزەكتى قۇرىلتايدى 2016-جىلعى مامىر ايىندا گەرمانيانىڭ كەلن قالاسىندا وتكىزۋ جونىندە شەشىم قابىلداندى.
