س. ەڭسەگەنوۆ: 13 ي ا «ياۆا» قۇپيا قوندىرعىسى قازاقستاننىڭ قاراماعىنا كوشەدى
«بۇل قۇپيا قوندىرعى اتىراۋ وبلىسىنىڭ قۇرمانعازى اۋدانىنداعى ازعىر پوليگونىنىڭ اۋماعىندا شالعايداعى قۇمداۋىت ايماقتا سالىنعان بولاتىن، 1966-1979-جىلدارى وندا 17 جەراستى جارىلىستارى جاسالدى. قوندىرعى - استراحاننان 7 قۋاتتى اسكەري تياگاچتارمەن پوليگونعا جەتكىزىلگەن وراسان زور شار ءتارىزدى.
ول تەرەڭ سۋعا باتىرۋ جاعدايىندا ءارتۇرلى تەحنيكانى سىناۋعا ارنالعان. تەحنيكا وتە بەرىك جاسالعان، ونى ونەركاسىپتىك قوندىرعى رەتىندە پايدالانىپ، جارىلىس ادىسىمەن ءىرى جاساندى الماز، نيتريت بورى جارتىلاي كريستالدارىن الۋعا بولادى. 2003-جىلى «ق ر ۇلتتىق يادرولىق ورتالىعى» ر م ك- نىڭ «يادرولىق فيزيكا ينستيتۋتى» ەنشىلەس مەملەكەتتىك كاسىپورنىندا ساقتاۋعا قويىلىپ، ر ف- نىڭ دۋبنا قالاسىنداعى «بىرىككەن يادرولىق زەرتتەۋلەر ينستيتۋتىنىڭ» قاراماعىنا بەرىلگەن بولاتىن.
ول ءبىزدىڭ ەلىمىزدىڭ «بىرىككەن يادرولىق زەرتتەۋلەر ينستيتۋتىن» ۇيىمداستىرۋعا 1993-2003-جىلدارداعى ۇلەستىك جارناسىن تولەۋ ەسەبىنە بەرىلدى. قوندىرعىنىڭ باعاسى 5 ميلليون 636,6 مىڭ دوللار»، - دەدى س. ەڭسەگەنوۆ.
رەسەي فەدەراتسياسى قوندىرعىنى پايدالانباعاندىقتان، بىرنەشە جىل بۇرىن ونى قازاقستاننىڭ قاراماعىنا قايتارۋ جونىندە كەلىسسوزدەر جۇرگىزىلدى. ۇكىمەتارالىق دەڭگەيدە جۇرگىزىلگەن بۇل كەلسسوزدەر اياقتالدى.
«قازىرگى كەزدە 13 ي ا «ياۆا» قوندىرعىسىن قازاقستاندىق يادرولىق فيزيكا ينستيتۋتىنىڭ قاراماعىنا بەرۋ ءۇشىن زاڭدى راسىمدەۋ جۇمىستارى جۇرگىزىلۋدە»، - دەپ ءمالىم ەتتى س. ەڭسەگەنوۆ.
