ماۋسىم ايىندا پاۆلودار وبلىسىندا 13 ادام سۋعا كەتىپ قازا تاپتى

سونىمەن قوسا، باتىپ بارا جاتقان 28 ادام قۇتقارىلعان، ولاردىڭ 12 سى بالا.
ونىڭ ايتۋنىشا، سۋ قويمالارىندا ادامدار ولىمگە ۇشىراۋىنىڭ باستى سەبەپتەرىنە ولاردىڭ قاۋىپسىزدىك ەرەجەلەرىن بۇزۋى، تىيىم سالىنعان جانە قاۋىپتى جەرلەردە ماس كۇيىندە شومىلۋى، سۋدان قۇتقارۋ قىزمەتى جوق ايماقتا سۋعا ءتۇسۋى جانە ەرەسەكتەردىڭ سۋعا تۇسكەن بالالارىن دۇرىس قاداعالاماۋى جاتادى.
وبلىستا پايدالانۋعا رۇقسات اكتىسى، ءتولقۇجاتى بار 23 ۇيىمداسقان جاعاجاي اشىلدى. سوندا دا دەمالۋشىلار قاۋىپتى جاعالاۋلارعا بارىپ سۋعا تۇسەدى، ولاردىڭ سانى 40 قا تارتا. 100 گە جۋىق تىيىم سالىنعان جانە ەسكەرتۋ جاسالعان بەلگىلەر ورناتىلعان ونداي جەرلەردە شومىلۋ قاۋىپتى.
داۋرەن تىلەۋبايەۆ باسپا ءسوز وكىلدەرىنە سۋدا جازاتايىم وقيعالاردىڭ الدىن الۋدىڭ كەڭەيتىلگەن باعدارلاماسىنىڭ ورىندالۋ بارىسى تۋرالى ايتتى. وعان جازعى دەمالىسقا شىعار الدىندا مەكتەپتەردە ينتەراكتيۆتى ساباقتار وتكىزۋ، بالالاردى جۇزۋگە ۇيرەتۋ جاتادى. سونىڭ اياسىندا بيىلعى جىلى 970 بالا سۋدا ءوزىن-ءوزى دۇرىس ۇستاپ جۇزۋگە ۇيرەتىلدى جانە قوعامدىق قۇتقارۋشىلار نۇكتەلەرىندەگى جۇمىستارعا تارتىلدى.