ۇ ب ت- دا ەڭ جوعارى 139 بالل جيناعان ءۇشىنشى تالاپكەر دە ەرەجە بۇزعانى ءۇشىن گرانتتان قۇر قالدى
«وكىنىشكە قاراي ۇ ب ت-2022 بەينەجازبالارىن قايتادان تەكسەرۋ بارىسىندا ەڭ جوعارى 139 بالل جيناعان تەستىلەنۋشىنىڭ ەرەجە بۇزعانى بەلگىلى بولدى. سايكەسىنشە، ونىڭ ناتيجەسى جويىلىپ، گرانت كونكۋرسىنا قاتىسۋ مۇمكىندىگىنەن ايىرىلدى. وتكەن جازبالارىمنىڭ بىرىندە 139 بالل جيناپ، ءبىراق ەرەجە بۇزعان 2 تالاپكەردىڭ ناتيجەسىن جويعانىمىزدى حابارلاعان بولاتىنمىن. ال بۇل - تىركەلگەن ءۇشىنشى جاعداي. ەندى ەڭ ماكسيمالدى بالل – 138، ونى 4 تالاپكەر جينادى.
تورتەۋىنىڭ دە ناتيجەسىن تەكسەرۋ جۇمىسى جالعاسىپ جاتىر. ەستەرىڭىزگە سالا كەتسەم، انومالدى جوعارى بالل (+20 بالدان +80 بالعا دەيىن) جيناعان تالاپكەرلەردىڭ ناتيجەسى ءبىزدىڭ ەرەكشە باقىلاۋىمىزدا»، - دەپ جازدى ۇلتتىق تەستىلەۋ ورتالىعىنڭ ديرەكتورى رۋسلان ەمەلبايەۆ الەۋمەتتىك جەلىدەگى پاراقشاسىندا.
ول سونداي- اق ۇ ب ت سەرتيفيكاتىن قولدان جاساۋ زاڭسىز جانە پايداسىز ەكەنىن ەسكەرتتى. سەبەبى ۇبت بويىنشا بارلىق دەرەك ورتالىقتىڭ بازاسىندا بار. ەسكە سالا كەتەيىك، بۇعان دەيىن ۇبت- دا ەڭ جوعارى 139 بالل جيناعان ەكى وقۋشىنىڭ قۋلىققا بارعانىن جازعان بولاتىنبىز. بيىلعى ۇبت باستالعالى بەرى 139 بالل جيناعان ءۇش تالاپكەر تىركەلدى. دەگەنمەن قايتا تەكسەرۋ كەزىندە اتالعان وقۋشىلاردىڭ ۇشەۋى دە ەرەجە بۇزعانى انىقتالدى.
